?Graduering in absentia
Indien jy nie die gradeplegtigheid kan bywoon nie, het jy tot Dinsdag 18 Maart om te re?l om in absentia te gradueer.
Om dit te doen, meld aan by die studenteportaal en gaan na Academics > Graduation Ceremony. Wanneer jy “Nee” kies om jou gradeplegtigheid by te woon, sal die stelsel jou vra om óf koerieraflewering óf self-afhaal te kies om jou gradueringsdokumente te ontvang.
Koerieraflewering
Ons sal jou gradueringsdokumente koerier ná afloop van die gradeplegtigheid. Jou verstek-koerieradres sal die huisadres op jou studenteprofiel wees. Indien jy wil hê dat jou dokumente by ’n ander adres afgelewer moet word, moet jy dit asseblief in die spasie wat voorsien word, invoeg.
Hou asseblief in gedagte dat die Universiteit se koeriers, DHL, nie by ’n posbusadres kan aflewer nie.
Let ook daarop dat koerieraflewering ons verstekopsie is. Daarom sal ons outomaties jou gradueringsdokumente koerier indien ons nie teen Dinsdag 18 Maart ’n opdrag tot die teendeel ontvang het nie en jy afwesig is van jou gradeplegtigheid.
Klik hier vir verdere besonderhede oor koerieraflewering.
Kom haal dit self
As jy gekies het om dit self te kom haal, sal jou gradueringsdokumente vanaf Maandag 31 Maart verpak en gereed wees vir afhaal by die Anorganiese Chemie-gebou. Jy kan jou gradueringsdokumente op enige weeksdag tussen 08:00 en 16:30 kom haal.
Verdere besonderhede oor koerieraflewering van jou gradueringsdokumente
Adres en kontakbesonderhede
As jy aangedui het dat jy koerieraflewering verkies, sal jou gradueringsdokumente deur DHL by jou afgelewer word, hetsy plaaslik of in die buiteland. Die verstekadres sal die huisadres op jou studenteprofiel wees. Om te verseker dat jy jou dokumente so gou moontlik ontvang, moet jy asseblief seker maak dat ons jou korrekte besonderhede en kontaknommer het.
Ongelukkig kan die Universiteit nie verantwoordelikheid aanvaar vir verkeerde, laat of geen aflewering as jy nie jou adres en kontakbesonderhede op ons stelsel opgedateer het nie.
Kontroleer asseblief dat ons jou korrekte besonderhede en kontaknommer op ons stelsel het.
Om jou besonderhede op te dateer, stuur ’n e-pos aan ons by info@sun.ac.za teen Dinsdag 18 Maart.
Afleweringstydraamwerk
Ons sal vanaf Donderdag 3 April gradueringsdokumente begin uitstuur. Plaaslike aflewerings neem gewoonlik tussen twee en vyf werksdae, hoewel aflewerings na afgele? gebiede effens langer kan neem.
Internasionale versendings kan tot sewe werksdae neem, afhangend van jou ligging.
Nasporing en kennisgewing van jou aflewering
Ons sal vir jou ’n SMS stuur met jou DHL-nasporingsnommer. DHL sal jou ook op jou selfoon kontak om jou van die aflewering in kennis te stel. Daarom doen ons ’n beroep op jou om teen Dinsdag 18 Maart seker te maak dat ons jou korrekte nommer op ons stelsel het.
Verkeerde of geen aflewering
*Neem asseblief kennis dat die Universiteit nie aanspreeklik gehou sal word vir verkeerde besonderhede (adresse en kontaknommers) op die stelsel wat daartoe kan lei dat DHL-koerierdienste by die verkeerde fisieke adresse aflewer of nie gegradueerdes kontak om aflewerings te bevestig as gevolg van verkeerde kontaknommers nie.
Jy sal ’n bykomende bedrag van R500,00 moet betaal vir enige gradueringsdokumente wat verkeerd uitgereik is weens verkeerde besonderhede op die stelsel.
Verkeerde persoonlike inligting in afgelewerde dokumente weerspie?l
Jy moet jou persoonlike inligting (naam/name en van) teen vroeg Maart op jou studenteprofiel bevestig, aangesien jou gradueringsdokumente die besonderhede sal vertoon wat ons het. Indien jy versuim om jou besonderhede te bevestig of by te werk, en jou dokumente arriveer wat verkeerde persoonlike inligting bevat, sal ’n bykomende bedrag van R500 betaalbaar wees vir die dokumente wat heruitgereik word. Ons sal jou ook vra om ’n koerier te re?l.
Vir verdere navrae oor die aflewering of naspeuring van jou gradueringsdokumente, skakel DHL by 021 872 4717. Vir ander bystand, stuur gerus ’n e-pos aan ons by graduation@sun.ac.za.
