Kontak:Ernst van der Wal
- 0633618800
Plek: Oude Leeskamer, Stellenbosch
??Hoe verstaan ons tyd, veral daardie kosmologiese en geologiese tydgrepe wat ons eie menselewens vêr oorskry?
In antwoord op hierdie vraag ondersoek die uitstalling Followed by Nine Zeros: Experiments in Deep Time ons begrip van tyd en skaal. Die werk van visuele, olfaktoriese en soniese kunstenaars wat die tema van diep tyd in hul kreatiewe praktyk ondersoek word tentoongestel. Clara Babette, kreatiewe bestuurder en kurator by Oude Leeskamer, en professor Ernst van der Wal van die Departement Visuele Kunste aan die Universiteit Stellenbosch het kunstenaars genooi om werke te skep wat gesentreer is op die tema van diepe tyd. Die uitstalling sluit 'n uiteenlopende reeks mediums en prosesse in, met kunstenaars soos Water Dixon, Michael Br?uer, Jean Brundrit, Abdus Salaam, Gerhard Marx, Georgia Munnik, Gerhard Roux en Antoni Schonken wat deelneem.
Die uitstalling neem as sy titel die numeriese voorstelling van diep tyd, wat algemeen verstaan word as 'n geologiese tydraamwerk wat oor ongeveer 4,6 miljard jaar strek, of 4,6 gevolg deur nege nulle. Soos JD Talasek aanvoer, daag diep tyd ons begrip van permanensie uit; wat vanuit 'n menslike perspektief onveranderlik voorkom, word 'n vlietende verskynsel wanneer dit in die konteks van geologiese tyd beskou word. Diep tyd lê ver buite die parameters wat ons tipies gebruik om ons eie lewens te begryp, wat gemeet word in jare, dae en minute.
Die konsep van diep tyd bied ryk grond vir kreatiewe betrokkenheid by en verbeelding van tyd en plek. Elke kunstenaar oorweeg hoe hul kunsbeoefening 'n dieper begrip van geskiedenisse, prosesse en ervarings kan bevorder wat ons persepsie van biologiese (of menslike) tyd uitdaag en uitbrei. Terwyl wetenskaplike verbintenisse met diep tyd ryk materiaal vir nadenke bied, is hierdie uitstalling ook ge?nteresseerd in meer ingebedde, mitiese en po?tiese interpretasies van die onderwerp. Die uitstalling sal gepaard gaan met paneelpraatjies, kunstenaarswandelings, filmvertonings, asook klank- en reukinstallasies wat op die tema van diepe tyd reageer.
Die uitstalling open om 11:00 op Saterdag, 10 Mei, by Oude Leeskamer en duur tot Saterdag, 28 Junie. Meer inligting oor opkomende geleenthede kan gevind word op die Oude Leeskamer-webblad https://oudeleeskamer.org/calendar/.?
?
