中国体育彩票

Die toekenningseremonie vir Navorsingsuitnemendheid is op Maandag 29 Augustus 2022 by die US Museum gehou. Die toekennings is oorhandig aan US-navorsers wat die grootste bydrae tot geakkrediteerde publikasies gelewer het (gebaseer op geouditeerde publikasiestatistieke van 2020-publikasies wat by die Departement van Ho?r Onderwys en Opleiding – DHOO - ingedien is in die 2021-uitsetvoorleggingsjaar) en doktorale gegradueerdes (Desember 2021 en Maart/April 2022-graduerings).

Vir die doel van die erkenning ten opsigte van geakkrediteerde publikasies is twee kategorie? in ag geneem, naamlik (i) navorsers wat die grootste bydraes lewer in terme van die publikasiesubsidie-eenhede (PE's) van die DHOO (afsnypunt vanjaar was 3,82) en (ii) US-navorsers wat die hoogste aantal geakkrediteerde navorsingspublikasies in samewerking met hul nasionale en internasionale navorsingsvennote en studente gelewer het (afsnypunt vanjaar was 13). In hierdie rondte is ook erkenning gegee aan navorsers wat 3 of meer doktorsgrade as primêre studieleier vir die genoemde tydperk gelewer het.

Die toekennings is oorhandig deur die uittredende Viserektor: Navorsing, Innovasie en Nagraadse Studie, prof Eugene Cloete. Volgens prof Cloete is navorsingspublikasies en doktorale gegradueerdes van die belangrikste produkte wat deur US-navorsers gelewer word. Hierdie aktiwiteite lewer 'n kritieke bydrae tot die uitbreiding van die US se internasionale reputasie as 'n uitstekende navorsingsuniversiteit en lewer 'n beduidende bydrae tot die US se jaarlikse inkomste. Belangriker nog is die feit dat nuwe kennis wat op hierdie wyse aan die US gegenereer word, na 'n globale gehoor oorgedra word, wat sodoende die toepassing van navorsingsresultate en die vestiging van ho?vlak menslike kapasiteit verbeter. “Navorsers wat hierdie tipe uitsette van ho? gehalte lewer, word as van die belangrikste bates by enige universiteit beskou. Ek beskou dit as 'n voorreg om erkenning te kan gee aan die uitstaande prestasie van hierdie groep navorsers."

Prof Wim De Villiers, Rektor en Visekanselier, het die navorsers gelukgewens wat deur hul publikasie-uitsette, leiding van PhD-studente en mentorskap bydra tot die strategiese visie van die US om Afrika se toonaangewende navorsingsintensiewe instelling te word: "Een van die US se strategiese kerntemas is Navorsing vir Impak. Die impak wat ons navorsers maak – op die Universiteit Stellenbosch se reputasie en invloed as 'n wêreldklas-instelling wat uitstekende navorsing lewer, en binne hul kundigheidsvelde in Suid-Afrika, Afrika en verder – dit is 'n nalatenskap om op trots te wees."

Die volgende navorsers het toekennings ontvang:

• Vir meer inligting, kontak gerus vir Maryke Hunter-Hüsselmann (mh3@sun.ac.za) of Dalene Pieterse (mver@sun.ac.za) van die Afdeling Navorsingsontwikkeling.

?