Beste kollegas en
studente
Ek bied graag
terugvoer oor die besluite wat op Maandag 4 Oktober 2021 by die mees onlangse
vergadering van ons Institusionele Komitee vir Bedryfsvoortsetting (IKBV)
geneem is, waar ons ook die pas verkose Studenteraadsvoorsitter, me Viwe
Kobokana, vir die eerste keer verwelkom het.
Ons belangrikste
besluite sluit in dat die Universiteit Stellenbosch (US) van plan is om
volgende jaar na kontakonderrig en -leer terug te keer, mits COVID-19 dit
toelaat, en dat personeellede se terugkeer kampus toe ingefaseer word. Dit sal
op so ? manier gedoen word dat risiko’s steeds bestuur word en dat regulasies
en gesondheidsprotokolle steeds gevolg word.
Lees gerus verder
vir nóg inligting oor hierdie en ander kwessies.
Stand van die
pandemie
In haar
gebruiklike inligtingsessie vir die IKBV het prof Juliet Pulliam van SACEMA (die
Suid-Afrikaanse Sentrum van Uitnemendheid in Epidemiologiese Modellering en
Ontleding) gewaarsku dat hoewel die derde vlaag amptelik verby is, ’n hernude
styging in infeksies steeds moontlik is.
Daarom was een
van haar kernboodskappe dat “die US moet voortgaan om die inenting van studente
en personeellede te fasiliteer, en gedrag aan te moedig wat oordrag verminder,
soos om maskers te dra, ’n afstand te handhaaf, hande te was, en te
self-isoleer as jy siek is”.
Inentings
Volgens ’n
verslag deur die US se Senior Direkteur van die Kampusgesondheidsdiens,
dr Pierre Viviers, is daar goeie benutting van dienste by die US se inentingsentrum op die Lentelus-sportterrein in Hammanshandweg,
Stellenbosch. Bykans 5 000 personeellede, studente en lede van die publiek
is by dié fasiliteit inge?nt sedert dit op 10 Augustus 2021 geopen het.
Altesaam 637 personeellede
en 2 219 studente op ons Tygerbergkampus is reeds inge?nt – baie van hulle
as deel van die Sisonke-program vir gesondheidsorgwerkers vroe?r vanjaar. Ons
het hierdie presiese syfers tot ons beskikking omdat personeel en studente op
die Fakulteit Geneeskunde en Gesondheidswetenskappe se aanlyn portaal moes
registreer. Hierdie getalle sluit diegene uit wat inge?nt is deur die
gesondheidsfasiliteite waar hulle werk.
Dr Viviers se
aanbieding het ook ’n besonder insiggewende skyfie ingesluit wat die getal
COVID-gevalle onder studente op die Stellenbosch- en Tygerbergkampus vergelyk (sien
hieronder). Dit toon duidelik watter voordelige invloed ’n ho?
inentingskoers op ’n bepaalde gemeenskap het.
Op ons Tygerbergkampus
is 71% van voorgraadse studente tot dusver inge?nt, en studenteleiers mik na
100%. Diegene op ons Stellenboschkampus hoef nie op die US se aanlyn portaal te
geregistreer het nie omdat hulle nie deel uitgemaak het van die Sisonke-program
nie. En hoewel ons Lentelus-fasiliteit akkurate data byhou, is ’n betreklik
klein persentasie van ons Stellenbosse personeellede en studente daar bedien. Selfs
al het baie lede van ons kampusgemeenskap op Stellenbosch ook van ander
inentingsfasiliteite gebruik gemaak, het die inentingsyfer hier waarskynlik nog
nie Tygerberg se vlak bereik nie.
Dít is
waarom die grafiek vir Tygerberg afgeplat is, terwyl die grafiek vir
Stellenbosch skerp stygings in die getal COVID-gevalle toon, het dr Viviers verduidelik.
Ek moedig almal
dus weer aan om hulle teen COVID-19 te laat inent. Entstowwe is veilig, red lewens, en is heel
duidelik doeltreffend. Om die entstof te ontvang is die verantwoordelike ding
om te doen. Klik hier vir die US se inentingsverklaring.
Inentingsbeleid/-re?l
Die IKBV het kennis geneem van die US Raad se magtiging verlede week aan die bestuur om dringend
te werk aan ’n beleid/re?l oor COVID-19-inenting vir studente en personeellede met
die oog op die akademiese jaar 2022, met behoorlike inagneming van
oorlegpleging en risikobestuur.
In dié verband
het die IKBV terugvoer ontvang dat die risikobeoordeling wat ingevolge ’n
direktief van Junie vereis word, byna klaar is, waarna ’n beleid/re?l opgestel
en vir goedkeuring voorgelê sal word. Die Raad het verlede week besluit dat sy
Uitvoerende Komitee die saak so gou moontlik sal oorweeg.
Assesserings
Daar bly net meer
as vier weke se klasse oor vir die jaar. Die IKBV het besluit dat assesserings
vir die res van 2021 in kontakvorm onder toesig sal plaasvind, soos vroe?r
vanjaar. ’n Paar uitsonderings sal egter geld, want in sommige programme sal
hierdie assesseringsmetode nie prakties wees nie, terwyl ander programme reeds
re?lings vir aanlyn assesserings getref en gekommunikeer het. Fakulteite en die
Registrateurskantoor sal die nodige besonderhede aan personeellede en studente
bekend maak.
Gradeplegtighede
Die IKBV het
bevestig dat die gradeplegtighede van 13 tot 16 Desember in hibridiese vorm sal
voortgaan, soos wat aan die einde van Augustus aangekondig is. Voorgraadse
kwalifikasies asook honneurs- en magistergrade sal weer aanlyn toegeken word,
met klein fisiese plegtighede vir die verlening van doktors- en eregrade, sowel
as die Kanseliersmedalje en -toekennings.
Die IKBV het kennis
geneem van die vordering soos weerspie?l in die feit dat Suid-Afrika verlede
week van aangepaste risikovlak 2 tot vlak 1 afgeskuif het, maar hoewel die grootte
van toelaatbare byeenkomste verhoog is, is dit nie genoeg om volskaalse fisiese
gradeplegtighede toe te laat nie.
Die IKBV het
egter kennis geneem van die studentegemeenskap se voorstelle dat meer
persoonlike en feestelike elemente by die plegtighede ingesluit moet word, en
ons sal ons bes doen om daaraan gehoor te gee.
Onderrig- en
leermetode in 2022
Die US is van
plan om volgende jaar na kontakonderrig en -leer terug te keer, in pas met ons
status as ’n toonaangewende residensi?le universiteit.
Die akademiese jaar sal op 14 Februarie
2022 begin, wat later is as gewoonlik omdat matriekuitslae op die vroegste eers
teen 21 Januarie verwag word. Klik hier vir volgende jaar se kwartaal- en eksamendatums by die
US.
Noodafstandsonderrig,
-leer en -assessering (ERTLA) het ons verlede jaar deur die strengste COVID-inperkingsvlakke
gekry, en toe die inperking vanjaar ver genoeg verslap is, kon ons aanlyn
klasse met kontaksessies aanvul (ARTLA). Nou wil ons graag nog verder gaan,
hoewel dít natuurlik van die status van die pandemie en COVID-19-regulasies sal
afhang.
Hoe meer mense op
ons kampusse ten volle inge?nt is, hoe groter die moontlikheid dat ons na die
volle kampuservaring kan terugkeer. Dít is waarom dit vir die Universiteit ’n
institusionele prioriteit is dat al sy personeellede en studente ten volle teen
COVID-19 inge?nt word. Klik hier vir verdere inligting oor ons inentingsveldtog.
Planne vir
personeel se terugkeer kampus toe
Die IKBV het ook
’n belangrike besluit geneem oor personeellede se terugkeer na hulle
kampuswerkplekke.
Dié besluit berus
daarop dat die US ’n residensi?le universiteit is. Studente en personeellede se
deelname aan aktiwiteite op ons kampusse is ’n kerndeel van die wese van ons
instelling. Die COVID-pandemie het ons ’n gevoelige knou toegedien en die
lewendige en diverse aard van ons instelling ontwrig. Nou is dit tyd dat ons
die stukke optel en die tapisserie weer aanmekaar begin werk.
Verskeie
maatre?ls is in Maart 2020 getref om die pandemie te hanteer. Een van die
ingrypendste maatre?ls vir personeel was dat werknemers wat kon, van die huis
af begin werk het as ’n noodsaaklike stap – soos voorgeskryf in nasionale
COVID-regulasies – om die gesondheidskrisis die hoof te bied.
Die land het met
ingang van 1 Oktober 2021 na inperkingsvlak 1 afgeskuif danksy laer
COVID-19-infeksiesyfers wat landwyd aangemeld word. Na aanleiding van
kommentaar van ons Mediese Advieskomitee en die werkstroom vir personeel het
die IKBV besluit dat omgewings die proses moet begin om hul personeel na hul
kampuswerkplekke te laat terugkeer. Die doel is om alle personeel volgende jaar
terug op kampus te hê.
Die ICBC erken
dat verskeie faktore ? volledige terugkeer van alle personeel op die oomblik
verhoed. Dit sluit in die feit dat die jaar amper verby is, dat personeel dalk
persoonlike re?lings moet tref en dat die moontlikheid van ? vierde golf
COVID-19-infeksies bestaan. Die belangrikste faktor is dat nie alle personeel al
in hierdie stadium inge?nt is nie. Soos julle weet, word ? risikobeoordeling
tans voltooi, wat die Universiteit se inentingsbeleid/-re?l sal rig.
Hierdie sake moet
aandag geniet in die oorblywende twee maande vanjaar, sodat die volle herintegrasie
van personeel volgende jaar in plek is.
Intussen bevestig
ons dat die huidige werkre?ling voortduur. Dit
behels dat personeel hetsy
aanlyn van die huis af óf in hibridiese vorm (d.w.s. ’n kombinasie van
aanlyn tuis en fisies op kantoor) werk, soos goedgekeur deur ? dekaan van ’n
fakulteit of die hoof van ’n PASD-afdeling (professionele en administratiewe
steundienste).
In ons vorige IKBV-kommunikasie het ons ? aantal redes vir ?
terugkeer kampus toe verskaf, en dit geld steeds:
- Take wat ? fisieke teenwoordigheid vereis
- Take wat verrig moet word om ho?r vlakke van skakeling met kollegas en metprioriteite bevorder
- Fisieke teenwoordigheid op kampusse wat benodig word om spontane interaksie en uitruiling van innoverende idees te bewerkstellig en wat nie gedoen kan word indien die personeellid uitsluitlik van die huis af werk nie
- Om vervreemding van die kampus as die primêre werkplek in die konteks van residensi?le universiteite te voorkom
- Om kohesie en samewerking onder personeel te
versterk, veral ten opsigte van die induksie van nuwe personeel en studente
Die nodige
gesondheid- en veiligheidsprotokolle sal streng toegepas word. Dít
sluit daaglikse gesondheidskontroles, die dra van maskers, ontsmetting en fisiese
distansi?ring in. Om aan die vereistes van distansi?ring te voldoen, kan
omgewings roosters opstel om personeel op verskillende dae of verskillende tye
kantoor toe te laat kom. Bykomende maatre?ls sal op werknemers bo 60-jarige
ouderdom en/of diegene met onderliggende toestande van toepassing wees.
Hierdie maatre?ls
sal hersien word indien die omstandighede op ons kampusse verander of die land
weer na ’n ander risikovlak verskuif word.
Om inge?nt te
word is die beste manier om COVID-19 te bestry en ’n veilige omgewing vir
personeellede en studente op ons kampusse te skep. Klik hier vir verdere inligting oor inenting by die
Universiteit se eie sentrum op Stellenbosch, en hier vir inligting oor inentingsterreine wat dalk nader aan jou huis is.
Saam vorentoe
Die
koronaviruspandemie gaan voort om ons lewens te ontwrig, maar ons stry daarteen
– as individue én as ’n instelling. Dít maak my trots en gee my hoop.
Elke keer as ons
COVID-19-protokolle gehoorsaam, bekamp ons die siekte – en selfs méér wanneer ons
die entstof ontvang. Elke keer as ons met ons werkspligte of ons studie
voortgaan ondanks die uitdagings wat COVID-19 skep, help ons mekaar stellig die
grootste toets van ons tyd oorkom.
So, ’n groot
dankie aan elke lid van die Universiteitsgemeenskap vir jul bydraes. Stap vir
stap herrys ons en bou ons ’n selfs sterker Universiteit.
Kom ons bly
veilig en sien na mekaar om.
Prof Wim de
Villiers
Rektor en Visekanselier,
en waarnemende voorsitter: IKBV
.png)
