Die afgelope naweek het die Universiteit van Stellenbosch (US) 'n besondere mylpaal gevier – sy tiende jaarlikse Tuiskomsnaweek vir alumni, gehou van Donderdag 11 September tot Saterdag 13 September 2025.
'n Volgepakte program van geleenthede het van hierdie Tuiskoms 'n onvergeetlike ervaring gemaak. Alumni het van naby en verder gereis – so ver as Nieu-Seeland en Singapoer, asook die VK, VSA, Kanada, en Namibi? – en het by 'n verskeidenheid aktiwiteite bymekaargekom, insluitend koshuis- en klasreünies, om merkwaardige mylpale te vier en herinneringe te herleef.
Verskeie betekenisvolle verjaarsdae is as deel van die feesvieringe gevier: die 100ste herdenking van beide die Fakulteit Ekonomiese en Bestuurswetenskappe en die Departement Landbou-ekonomie, die 120ste herdenking van Harmonie-koshuis, die 70ste herdenking van Simonsberg-koshuis, en 'n indrukwekkende 150 jaar van Maties Rugby.
100 jaar Pinotage
Een van die hoogtepunte was die Matie-wynmakersvertoning, wat 100 jaar van Pinotage gevier het. Meer as 20 top-Matie-wynmakers het hul wyne ten toon gestel, wat alumni die kans gegee het om sommige van Suid-Afrika se beste wyne te proe. Die vertoning het ook 'n spesiale optrede van RAAF (Esté & Lourens), beide trotse Maties, ingesluit.
'n Alumnus van die Oos-Kaap, wat die reis na Stellenbosch saam met verskeie mede-Maties onderneem het, het gesê: “Dit was ongelooflik om die beste van Suid-Afrikaanse wyne alles op een plek te ervaar. Ons het wyne van meer as 20 top-Matie-wynmakers geproe en natuurlik kon ons nie weerstaan om 'n paar bokse huis toe te neem om met vriende te deel nie. Dit was die perfekte kombinasie van proe, herinneringe herleef, en ons Matie-gees vier."
Teatervertoning en Matieland Konsert
Die Tuiskomsvieringe het afgeskop met 'n Teatervertoning, onder regie van alumna en Fleur du Cap Teatertoekenningwenner Nicole Holm.
In die hart van die Tuiskomsnaweek was die Matieland Konsert, wat teruggekeer het vir nog 'n onvergeetlike aand in die Endlersaal. Bekende storieverteller en ikoon Natani?l het gesê: "Ek het daarna uitgesien om by die Endlersaal op te tree waar ek my eerste vertonings gehad het, maar ook my mees vreesaanjaende eksamens beleef het."
Aktrise en komediant Margit Meyer-R?denbeck het haar Ouma-alter ego die praatwerk laat doen, en al die kunstenaars – insluitend Suidooster se Dean Smith, die Maties Jazzvereniging, alumni-ensemble Lyrica Nova, sopraan Sashon Johnson en pianis Karen Petersen – het staande ovasies ontvang.
Maties Rugby se erfenis en Springbok-oorwinning
Van die heel eerste wedstryd op Die Braak tot die lewering van nasionale en internasionale spelers, is die Maties Rugbyklub se nalatenskap op en van die veld af gevier. Die Springbok-oorwinning oor Nieu-Seeland by die Cake Tin het ekstra opwinding gebring, met een toeskouer wat opgemerk het: "Die Danie Craven-stadion is waar daardie spelers en die spelers hier vandag geleer het om hul opposisie voor die doellyn van drie? te ontneem."
Karen Bruns, Senior Direkteur van Ontwikkeling en Alumnibetrekkinge, het gesê: "Tien jaar gelede was Tuiskoms 'n droom om ons alumni terug te bring na Matieland om die Universiteit Stellenbosch van vandag te sien en te ervaar. Die afgelope naweek, toe ons oor die kampus stap en alumni hoor lag en gesels by reünies, koshuise hul groot mylpale vier en Matie-talent kon skitter by die Wynmakersvertoning, Matieland Konsert en Teatervertoning, was dit duidelik hoe baie hierdie tradisie gegroei het. Ons 10de Tuiskoms was nie net 'n mylpaal nie – dit was 'n viering van die trots wat ons deel om die US ons tuiste te kan noem."
Prof Deresh Ramjugernath, wat sy eerste Tuiskomsnaweek as Rektor en Visekanselier bygewoon het, het bygevoeg: “Ek het soveel lede van die Matie-gemeenskap ontmoet wat steeds die gees van Stellenbosch regoor die wêreld dra. Of hulle verlede jaar of dekades gelede gegradueer het, dit was hulle oomblik om huis toe te kom – om weer kontak te maak, herinneringe te herleef en hul reis as deel van die Matie-familie te vier."?
Instagram: @matiesalumni
X: @stellenboschalumni
FB: https://www.facebook.com/stellenboschalumni
