In 'n eerste vir Suid-Afrika het 'n chirurg van die Wes-Kaapse Departement van Gesondheid en Welstand 'n skenkernier suksesvol verwyder met behulp van robotchirurgietegnologie by Tygerberg-hospitaal, wat 'n beduidende stap vooruit is om orgaanskenking minder indringend vir lewende skenkers te maak.
Die operasie, wat 'n skenkernefrektomie genoem word, is deur die uroloog, dr Danelo du Plessis, 'n gesamentlike personeellid van die Tygerberg-hospitaal en die Universiteit Stellenbosch (US), met behulp van die da Vinci Xi Robotic-platform uitgevoer. Hierdie gesofistikeerde stelsel stel chirurge in staat om met uitsonderlike presisie te opereer deur vier robotarms, wat op ‘n afstand beheer word deur middel van 'n 3D-konsole.
"Die operasie het ons verwagtinge oortref en is in minder as 90 minute voltooi," sê Du Plessis, 'n senior dosent en mediese spesialis in die US se Afdeling Urologie.
Die prosedure is gedoen om 'n nier van 'n 45-jarige ma te verwyder wat dit aan haar 24-jarige dogter geskenk het.
Die verbeterde presisie en behendigheid van die robotplatform het die chirurgiese span in staat gestel om 'n retroperitoneale benadering te volg – 'n aansienlik minder indringende tegniek wat pyn na afloop van die operasie verminder en vinniger herstel moontlik maak. Die skenker is die volgende dag ontslaan, en die oorgeplante nier het onmiddellik urine begin produseer, wat aandui dat die oorgeplante orgaan werk.
Dr Matodzi Mukosi, uitvoerende hoof van Tygerberg-hospitaal, het gesê: “Hierdie mylpaal demonstreer ons toewyding aan innovasie en uitnemendheid in pasi?ntsorg. Die suksesvolle robotiese nierskenkeroperasie is 'n eerste vir Suid-Afrika en 'n trotse oomblik vir Tygerberg-hospitaal. Dit weerspie?l die buitengewone vaardigheid van ons chirurgiese spanne en beklemtoon die lewensveranderende impak van mediese innovasie vir ons pasi?nte en hul families.”
Prof Elmi Muller, Dekaan van die US se Fakulteit Geneeskunde en Gesondheidswetenskappe, asook ‘n oorplantingschirurg, het die prestasie geloof: “Robotchirurgie is 'n nuwe tegnologie wat veilig in baie dele van die wêreld gebruik word vir prosedures soos nefrektomies en prostatektomies. Dit is wonderlik om te sien dat sulke innovasies ook in Suid-Afrika kan plaasvind. In 'n groot konsensusvergadering oor die gebruik van robotchirurgie op die gebied van oorplanting aan die einde van 2024, het ons gevind dat robotchirurgie nou soortgelyke resultate lewer as standaard laparoskopiese prosedures.”
Robotchirurgie is 'n algemene alternatief vir laparoskopiese chirurgie en word as ewe effektief beskou waar die tegnologie beskikbaar is. Die Tygerberg-hospitaal en die US bied sedert 2022 'n omvattende robotchirurgie-opleidingsprogram aan wat ontwerp is om chirurge en dokters in gevorderde praktykopleiding se vaardighede in gevorderde chirurgiese tegnieke te verbeter. Du Plessis het reeds 200 robotprosedures, insluitende gedeeltelike nefrektomies, prostatektomies en sistektomies, voltooi.
"Wanneer jy op volkome gesonde skenkers opereer, is dit noodsaaklik om ? verfynde tegniek tegniek te hê," verduidelik Du Plessis. "Lewende skenkers maak hierdie buitengewone opoffering bloot uit altru?sme – hulle verdien ? veilige en minimaal indringende prosedure moontlik. Hierdie tegnologie kom daardie belofte na. "
Prof André van der Merwe, Hoof van Urologie by die Tygerberg-hospitaal en die US het sy trots oor op die chirurgiese span se prestasie uitgespreek. "Dit verteenwoordig nog 'n sprong vorentoe in chirurgiese innovasie. Ek verwag dat ons meer van hierdie prosedures sal sien, met pasi?nte wat geweldig baat vind by hierdie tegnologiese vooruitgang."
Foto onderskrif: Die chirurgiese span wat Suid-Afrika se eerste skenkernefrektomie gedoen het.
