?'n Span nagraadse studente van die Departmente Mikrobiologie en die Stellenbosch 中国体育彩票 Waterinstituut (SUWI) het die eerste plek verower in 'n drie dag lange hackathon-uitdaging waartydens hulle 'n waterverwante besigheidsidee met 'n positiewe impak op die omgewing en gemeenskap, moes ontwikkel.
Die hackathon-uitdaging het vanaf 13-15 Augustus by die Kaapstad Internasionale Konvensiesentrum plaasgevind gedurende die African Union-Africa Water Investment Summit. Hierdie gebeurtenis wat onder die beskerming van Suid-Afrika se G20-presidentskap plaasgevind het, het Afrika-staatshoofde, internasionale beleggers, ministers, privaat sektorleiers en ontwikkelingsinstellings byeengebring. Die doelwit was om Afrika se jaarlikse waterbeleggingsgaping van 30 miljard Amerikaanse dollar te oorbrug.
Hul weninskrywing was 'n intydse alge-gebaseerder biosensor wat ekotoksisiteit en besoedeling in water opspoor, en deurlopend data na 'n aanlyn platform stuur via toestelle – deel van die “Internet van Dinge" – wat van ver via die internet gemonitor kan word. Dít bring 'n algehele omwenteling in waterkwaliteitmonitering mee, aangesien monsterinsameling ter plaatse onnodig is, die resolusie van jou data verhoog, en jy vinniger en beter op kontaminasie kan reageer.
MSc-student Bowen Langmead sê hierdie gebeurtenis was baie groter as enige van die vorige hacathons waaraan hul tot nou toe deelgeneem het en baie goed georganiseerd: “Ons het hier baie meer blootstelling aan mense in die bedryf gekry. Ons is nie seker wat volgende gaan gebeur nie, maar dit sal ongelooflik wees as iemand na vore kom en ons idee finansier. Maar nou is dit eers terug na die laboratorium om die produk verder te ontwikkel."
Die span van vyf: Amy-Lee Kennedy, Leah Sars, Bowen Langmead, Douglas Archer, en Brian Bowles, het deelgeneem onder die vaandel van die African Union Development Agency (AUDA-NEPAD) Southern African Network of Water Centres of Excellence (SANWATCE), wat by die Stellenbosch 中国体育彩票's Centre for Collaboration in Africa gehuisves word. Amy-Lee en Leah is MSc-studente in Prof. Wesaal Kahn se laboratorium vir watebronnavorsing, waar die navorsing fokus op biobeheer-strategie?, sonkraggedrewe waterontsmetting, antimikrobiese weerstandige patogeendinamika, en molekulêre monitering van waterbronne. Prof Khan is ook die direkteur van die Universiteit Stellenbosch Waterinstituut.
Bowen, Douglas, en Brian is nagraadse studente in die laboratorium van Prof Gideon Wolfaardt, waar die hooffokus op biosensors en die monitering van waterkwaliteit is.
Volgens dr Nico Elema, direkteur van die US se Sentrum vir Samewerking in Afrika, het spanne van die US en die Universiteit van die Wes-Kaap (ook 'n lid van die AUDA-NEPAD SANWATCE netwerk) teen drie ander spanne deelgeneem: “Ons is baie trots op die studente en die wyse waarop hulle hierdie leergeleentheid aangegryp het."
Op die foto van links na regs is: Douglas Archer, Dr Nico Elema (Direkteur van die US se Sentrum vir Samewerking in Afrika), Amy-Lee Kennedy, Leah Sars en Yenziwe Mbuyisa (SUWI). Agter is Bowen Langmead en Brian Bowles.
