Volgende in die FGGW Vrouemaand-reeks, fokus ons op Maambele Khosa. Op slegs 29-jarige ouderdom is sy die toonbeeld van doelgerigte leierskap oor verskeie domeine. As Hoof van Wetenskapnavorsingskommunikasie by die US se Sentrum vir Epidemiese Reaksie en Innovasie (CERI), oorbrug sy die gaping tussen komplekse navorsing en openbare begrip. Terselfdertyd, as stigter en hoof uitvoerende beampte van SheCab – 'n e-hailingdiens wat vir vroue, deur vroue, ontwerp is – spreek sy werklike veiligheidsuitdagings aan.
Danksy die SheCab-inisiatief is sy onlangs aangewys as een van Forbes Africa se 30 Onder 30, ter erkenning van haar bydraes tot die Vervoer- en Mobiliteitssektor. Die toekenning hou besondere betekenis vir Maambele in en verteenwoordig meer as net entrepreneuriese sukses. “Ek is trots daarop om 'n stigter te wees van 'n vroue-gefokusde vervoerinisiatief, SheCab, wat daarop gemik is om veiliger en meer waardige mobiliteit vir vroue te skep," sê sy. “Dit het my daaraan herinner dat impak nie groot hoef te wees om betekenisvol te wees nie, dit moet net doelbewus wees." Hierdie onderneming is bewyse van haar toewyding om werklike uitdagings wat vroue in die gesig staar, aan te spreek, en oplossings te skep wat veiligheid en waardigheid in daaglikse mobiliteit prioritiseer.
“Dis 'n eer om erken te word onder Forbes Africa se 30 Onder 30, maar nog meer om deel te wees van 'n instelling soos die Universiteit Stellenbosch wat ons toerus om doelgerig te lei en verandering te dryf waar dit die meeste saak maak," sê sy oor haar rol by CERI. Dit sluit die ontwikkeling en dryf van kommunikasiestrategie in om te verseker dat die sentrum se navorsing en impak beide wetenskaplike en openbare gehore bereik. CERI is 'n toonaangewende navorsingsentrum wat poog om opkomende epidemies bestudeer en verstaan.
Maambele se pad na haar huidige posisie was onkonvensioneel. Sy het begin met 'n BSc in Geoinformatika en Inligtingstelsels en het haar kundigheid uitgebrei deur 'n Nagraadse Diploma in Bemarking en 'n MPhil in Wetenskap- en Tegnologiestudies, beide van die Universiteit Stellenbosch. Sy is tans besig met haar PhD in Wetenskapkommunikasie aan die US, wat haar akademiese reis, 'n doelbewuste mengsel van analitiese, kreatiewe en mensgesentreerde benaderings, weerspie?l. “My reis was alles behalwe lineêr, maar elke stap het op die laaste gebou," verduidelik sy.
Wat haar tot wetenskapkommunikasie aantrek, is die transformerende krag van stories. “Wat ek die meeste geniet, is om komplekse wetenskap in stories te om te sit wat mense ontroer," sê Maambele. Of sy nou openbare gesondheidsveldtogte ontwikkel of Afrika-wetenskaplikes se stemme op globale platforms versterk, sy vind diep vervulling wanneer kommunikasie 'n brug tussen wetenskap en die samelewing word. Die dinamiese aard van werk met multidissiplinêre spanne en die kreatiewe vryheid om met verskeie formate te eksperimenteer – van videostorievertelling tot digitale veldtogte – hou haar op haar tone.
Maambele het ? diep waardering vir vroue wat die weg gebaan het. “Ek word voortdurend ge?nspireer deur vroue in leierskap wat met beide krag en sagtheid omgaan. Ek word ook daagliks ge?nspireer deur die vroue met wie ek werk, waarvan baie gesinne, loopbane en gemeenskapswerk met grasie en deursettingsvermo? balanseer."
Haar boodskap aan jong vroue is beide bemagtigend en prakties: “Jy mag evoleer. Dis oukei as jou pad anders lyk as wat jy jou voorgestel het of wat ander verwag. Die wêreld het jou stem nodig, nie net jou arbeid nie. Sê nee wanneer jy dit nodig het. Vra vir hulp wanneer jy dit nodig het. En onthou altyd: jy het nie toestemming nodig om te lei nie."
