?Die bemagtiging van navorsers met kommunikasie- en betrokkenheidsvaardighede is noodsaaklik om wetenskaplike ontdekkings te omskep in publieke begrip, vertroue en betekenisvolle beleidsverandering. Vier PhD-studente van die Universiteit Stellenbosch het die geleentheid gekry om hul kommunikasievaardighede verder te ontwikkel saam met ander navorsers in die vroe? stadiums van hul loopbane van regoor die wêreld, tydens die Venice International 中国体育彩票 (VIU) Lenteskool-program Equipping Researchers with Skills, Strategies and Confidence for Science Communication, wat van 31 Maart tot 4 April 2025 plaasgevind het. Luther Chipembere (Landbou-ekonomie), Zani de Wit (Wetenskap- en Tegnologie-studies), Nontokozo Mchunu (Wetenskap- en Tegnologie-studies) en Katherine Rabik (Wetenskap- en Tegnologie-studies) het aan die skool deelgeneem met die ruim ondersteuning van Erasmus+-befondsing wat deur die SU Internasionale Kantoor geko?rdineer is.
Die skool is ontwikkel vir navorsers en gegradueerdes uit alle dissiplines oor die Natuur- en Sosiale Wetenskappe, Ingenieurswese en Geesteswetenskappe heen, en is sorgvuldig ontwerp om deelnemers toe te rus met sleutelvaardighede en die selfvertroue om op betekenisvolle en strategiese wyses met verskeie gemeenskappe te skakel. Die program is mede-ontwerp en aangebied deur fakulteite van die Ludwig Maximilians-Universit?t in Duitsland, die Universiteit van Padua in Itali?, VIU se Eenheid vir Wetenskapskommunikasie, en Prof. Marina Joubert van die Universiteit Stellenbosch.
Tydens hierdie intensiewe weeklange opleiding het deelnemers die geleentheid gehad om lesings by te woon, aan stimulerende besprekings deel te neem, hul kennis aan te wend tydens groepuitdagings, en krities om te gaan met literatuur en beste praktyke in wetenskapskommunikasie. Dit het 'n omgewing geskep van lewendige debat en betekenisvolle betrokkenheid rondom temas soos wetenskapskommunikasie binne sosio-politiese kontekste, die digitalisering van wetenskap en die waarde van die kulturele wêreld, asook publieke debatvoering. Van die eerste ysbreker tot groepsbesprekings en rollespel-oefeninge, het die skool 'n platform gebied vir navorsers om idees uit te ruil, vrae te vra en selfvertroue in hul kommunikasievaardighede te bou. Die kursus het die belangrikheid van strategiese kommunikasie en betrokkenheid beklemtoon, met monitering en evaluering as sleutelkomponente om impak vas te stel. Die kursusaanbieders het daarin geslaag om 'n veilige en ondersteunende omgewing te skep wat eerlike dialoog en kwesbaarheid aangemoedig het, wat op sy beurt ruimte geskep het vir opregte uitruilings oor dissiplines, nasionaliteite en wêreldbeskouings heen.
Hoewel die fokus op teoretiese kennis en praktiese vaardigheidsontwikkeling was, het dit nie beteken dat deelnemers net gewerk het nie. Op die tweede dag van die kursus is die groep geneem na Palazzo Grimani – A Cabinet of Wonders om eerstehands te ervaar hoe wetenskap deur museums en kuns gekommunikeer kan word. Die besoek is opgevolg deur ’n gesellige groep-ete by ’n plaaslike restaurant in Venesi?. Die atmosfeer het nuwe verbindings gefasiliteer soos gaste stories, ervarings en insigte gedeel het. Daar was vele spontane oomblikke wat die grens tussen leer en leef laat vervaag het – iets wat die ervaring werklik onvergeetlik gemaak het. Gesprekke het voortgespoel tydens lang stappies deur die nou stegies van Venesi?, gedurende middagetes en aandetes.
Na 'n suksesvolle week van leer, oefen en deelneem aan die Lenteskool, is deelnemers uitgedaag om hul nuwe kommunikasiestrategie? te gebruik om hul navorsing binne drie minute te verduidelik. Al het die aanbiedings in formaat, struktuur en boodskap gewissel, was een ding duidelik: hierdie navorsers praat nou uit 'n plek van hernude selfvertroue in hul vermo? om wetenskap effektief te kommunikeer. Deur ’n kombinasie van teoretiese insigte, praktiese werkswinkels, interaktiewe sessies en ’n terreinbesoek, het die program geslaag daarin om deelnemers se wetenskapskommunikasievaardighede te verbeter. Die ervaring het die groep met ’n hernude sin van verantwoordelikheid gelaat om nie net helder nie, maar ook met sorg en kreatiwiteit te kommunikeer. Die skool het beklemtoon dat mense die hart van wetenskap is – en dat dit werklik saak maak hoe ons dit kommunikeer. Luther, Zani, Nontokozo en Katherine het ’n verrykende ervaring in Venesi? gehad en sien uit daarna om hul nuwe vaardighede en insigte in hul eie werk toe te pas?
.png)
