Hierdie werksessie beoog om dosente met die nodige aanbiedingsvaardighede toe te rus om selfversekerde openbare sprekers te word. Deelnemers sal sowel teoretiese as praktiese kennis oor suksesvolle openbare redevoering en aanbieding opdoen.
Die sessie is ontwerp vir dosente wat graag doeltreffende openbare kommunikasievaardighede wil aanleer en praktiese wenke en gereedskap wil ontvang om hulle boodskap en navorsing duidelik en treffend oor te dra. Die lesse uit die kursus sal nuttig te pas kom in enige omstandighede waar dosente in die openbaar moet praat – of hulle nou klasgee, konferensies toespreek, kursusse aanbied, vergaderings lei, of mondelinge eksamens oor proefskrifte hanteer.
Fokusgebiede van die werksessie
- Die moets en moenies van doeltreffende openbare kommunikasie
- Hoe om stres te bestuur as jy in die openbaar moet praat
- Hoe om ’n suksesvolle aanbieding saam te stel
- Die fisiese aspekte van kommunikasie en aanbieding (stem, lyftaal, handgebare, ensovoorts)
- Hoe om ’n doeltreffende skyfievertoning te skep
- Suksesvolle aanlyn kommunikasie (aanlyn lesings, aanbiedings, vergaderings)
- Hoe om vraag-en-antwoord-sessies te hanteer
Struktuur van die werksessie
Die werksessie bestaan uit twee dele:
1. ’n Teoriesessie wat visuele materiaal en voorbeelde insluit om deelnemers die kernbeginsels van doeltreffende openbare kommunikasie te leer
2. ’n Praktiese sessie wat deelnemers konstruktiewe terugvoer oor hulle opnames bied deur ewekniegesprekke, toegespitste terugvoer, en persoonlike afrigting om hulle kommunikasie- en aanbiedingsvaardighede te verbeter
’n Ondersteunende leeromgewing
Die kursus word in ’n positiewe, veilige en ontspanne omgewing aangebied, wat deelnemers aanmoedig om hulle kommunikasievermo?ns vreesloos te verken. ’n Verbetering in openbare redevoering- en aanbiedingsvaardighede is dikwels dadelik na die werksessie te bespeur. Die einddoel is om deelnemers se kommunikasievaardighede te verbeter, ’n unieke aanbiedingstyl te ontwikkel, en openbare spreekgeleenthede ’n gemaklike en genotvolle ervaring te maak.
Meer oor Vicky Davis, die werksessiefasiliteerder
Vicky Davis is ’n Suid-Afrikaanse aktrise en televisie-aanbieder wat veral bekend is vir haar werk as mede-aanbieder van die leefstylprogramme Pasella (SABC2) en Landbouweekliks (@VIA TV). Sy het in 2011 haar meestersgraad in Drama (cum laude) aan die Universiteit Stellenbosch verwerf.
Dié bekroonde aktrise, regisseur en vervaardiger van sowel televisie- as verhoogproduksies het meer as 20 jaar ondervinding in die Suid-Afrikaanse vermaakbedryf. Vicky het spitstydtelevisieprogramme soos Pasella, Top Billing, Expresso Breakfast Show, Doctor’s Orders en Afternoon Express Talk Show vervaardig.
Sy is ’n ervare media-afrigter wat al langer as 12 jaar met tersiêre instellings en maatskappye saamwerk om nagraadse studente, akademici en bedryfsrolspelers doeltreffend te help kommunikeer.
Haar kli?nte sluit in:
- US Afrika Doktorale Akademie
- Suid-Afrikaanse Sentrum vir Epidemiologiese Modellering en Ontleding (SACEMA)
- Stellenbosse Instituut vir Gevorderde Navorsing (STIAS)
- New Voices in Science
- US Fakulteit Ekonomiese en Bestuurswetenskappe
- Suider-Afrikaanse Stelselontledingsentrum (SASAC)
- Stellenbosch Bestuurskool
- US Fakulteit Geneeskunde en Gesondheidswetenskappe
- US Nagraadse Kantoor
- US Afdeling Studentewerwing en Loopbaanadvies
- Volhoubare Ontwikkeling-impaksentrum (SDG/2063 Impact Hub)
- US Fakulteit Teologie
- Verskeie korporatiewe kli?nte
Wanneer (kies een van die volgende datums):
21 Mei of
11 September of
6 November
Tyd: 08:30 – 14:30
Waar: Den Bosch, 41 Victoria Street, Stellenbosch.
Daar is slegs 10 plekke beskikbaar per werkswinkel. Registreer asseblief vir die werkswinkel deur hierdie vorm te voltooi: Hier
Kontakpersoon: Claudia Swart (claudias2@sun.ac.za)
