Die Universiteit Stellenbosch (US) doen opnuut 'n beroep op personeel, studente, alumni, en vriende van die Universiteit om byeen te kom vir die US se jaarlikse #GivingMaties-veldtog wat van 6 Maart tot 16 April 2025 duur. Die doel met die veldtog is om fondse in te samel vir beurse, studente-maaltye, en studenteskuld.
Die fondse wat met die veldtog ingesamel word, gaan aan die US se BridgeTheGap- (BTG-)jaarfonds ter ondersteuning van inisiatiewe wat ontwerp is om in die dringendste studentebehoeftes te voorsien. Hierdie inisiatiewe sluit in:
#Move4Food – Verskaf noodvoedselverligting aan studente wat voedselonsekerheid ervaar
#GradMe – Verleen hulp aan studente met uitstaande gelde om hulle graad te bekom
#CaughtInTheMiddle – Verleen hulp aan studente wat nie vir finansi?le bystand van die regering kwalifiseer nie, maar steeds nie hul opvoeding kan bekostig nie
#EndPeriodPoverty – Verseker dat alle studente toegang tot basiese sanitêre produkte het
#Action4Inclusion – Ondersteun studente met finansi?le uitdagings tydens registrasie en probleme om toegang tot akademiese rekords te bekom.
“Met 'n teiken wat op R2 miljoen staan, moedig ons almal aan om aan die fondsinsameling deel te neem, die boodskap te versprei, en skenkings te maak. Indien elkeen R100 insamel, kan ons hierdie doelwit bereik en soveel studente bevoordeel," sê die GivingMaties-organiseerder by die US se Afdeling Ontwikkeling en Alumnibetrekkinge (AOA), Viwe Benxa.
Skenkingseisoen
Benxa verduidelik: “Indien jy aan vorige Skenkingsdae deelgeneem het, gaan jy opmerk dat ons dinge vanjaar anders doen. Ons brei die geleentheid uit na 'n 'skenkingseisoen', sodat jy oorgenoeg tyd het om ons studente te ondersteun. Die seisoen bereik 'n hoogtepunt op Skenkingsdag, wat op 16 April val en wanneer verskeie sosiale geleenthede op die US-kampusse gaan plaasvind."
Skenkingsdag-geleenthede
Hier is 'n oorsig van die gebeure wat tydens die Skenkingsdag-vieringe plaasvind:
Skenkingswoud (Tygerberg 9 April en Stellenbosch 15 April)
Belanghebbersgroepe versier bome in Victoriastraat volgens 'n tema wat by studentesteun aansluit, begelei deur optredes van musiekkunstenaars.
Personeel #Groove4Good (16 April, Rooiplein)
Personeelafdelings neem aan 'n pretdanskompetisie deel.
'The Amazing Chase' (16 April, Rooiplein)
Koshuise en Fakulteite jaag in 'n kreatiewe kaskarwedren op die Rooiplein.
Virtuele Trivia-uitdaging vir Matie-ouers (16 April, aanlyn)
Matie-ouers toets hulle kennis tydens 'n aanlyn Trivia-geleentheid.
Wys jou kleure (16 April, Sosiale Media)
Alumni word aangemoedig om US-kleure werk toe te dra en hul Matie-trots op sosiale media te deel.
Pokkel-jag en prysuitdeling (16 April, Coetzenburg)
Studente span saam om Pokkel uit die kloue van Maties-sportspanne te “red", gevolg deur 'n prysuitdelingsplegtigheid.
Voorsien in die behoefte aan studentesteun
Met die stygende koste van opvoeding worstel vele studente met die harde werklikheid van skuld en voedselonsekerheid. #GivingMaties spreek hierdie uitdagings direk aan deur fondse vir studente in nood in te samel.
“#GivingMaties is meer as net 'n fondsinsamelingsveldtog; dit gaan daaroor dat 'n hele gemeenskap bymekaar kom om te verseker dat elke student sukses kan behaal. Of dit nou deur skenkings of fondsinsameling is, of bloot deur die veldtog met ander te deel, elke poging tel," sê die GivingMaties-ambassadeur en ?fondswerwer by die AOA, Alwin Mabuza.
Wat kan jy doen?
- Kies: Klik HIER en kies die #GivingMaties-inisiatief wat jy wil ondersteun.
- Deel: Deel jou groep se unieke QR-kode en skakel met jou netwerke.
- Fondsinsameling: Moedig skenkings aan onder jou vriende, familie, en die bre?r netwerk.
Wanneer jy hierdie skakel met jou netwerke deel, kan jy skenkings insamel wat direk aan die saak toegewys word. Onthou, elke bydrae tel, hoe groot of hoe klein dit ook al is.
Vrae? Besoek www.matiesgivingday.com of kontak ons by giving@sun.ac.za.
