Die Afrika Sentrum vir MIV/vigsbestuur het 2025 begin met verskeie opwindende veranderings om ’n nuwe era in te lei, wat die sentrum se beduidende bydrae tot die bekamping van een van die grootste openbare gesondheidsuitdagings van ons tyd oor meer as twee dekades verder sal uitbrei. Behalwe die hernoeming van die sentrum na die Afrika Sentrum vir Inklusiewe Gesondheidsbestuur om ’n nuwe strategiese rigting te weerspie?l, is die senior dosent dr. Munya Saruchera terug in die direkteurstoel. Hy het die pos voorheen van Julie 2021 tot Maart 2024 beklee.
Saruchera is die eerste direkteur van die sentrum wat in die rol verkies is. Dit is ook die eerste keer dat die rol as ’n akademiese pos beskou word, wat gelyk is aan die hoof van ’n akademiese departement – voorheen is dit geklassifiseer as ’n professionele administratiewe ondersteuningspos en die dekaan van die Fakulteit Ekonomiese en Bestuurswetenskappe het die aanstelling gedoen.
Van visie na implementering
Saruchera het die sentrum se strategiese hersieningproses gelei, wat laat in 2021 begin het toe hy die direkteurspos die eerste keer beklee het. Die nuwe strategie behels die uitbreiding van die sentrum se fokus na bre?r kwessies van gesondheidsbestuur buiten MIV/vigs, wat relevant is in ’n globale gesondheidslandskap wat voortdurend verander, insluitend opkomende, heropkomende en toekomstige epidemies of pandemies. Die implementering van die strategie deur bekendstellingsgeleenthede en aktiwiteite en die omskakeling daarvan in tasbare resultate – insluitend nuwe akademiese programme en leierskap oor inklusiewe gesondheidsbestuur – is daarom ’n kernfokus van sy rol.
Natuurlik bring enige nuwe onderneming uitdagings mee, maar Saruchera kies om dit as geleenthede vir groei en leer te sien. “Die reis is veel opwindender as die bestemming. Dit is die verkenning, mislukking en volharding totdat ons dit regkry wat my energie gee.” ’n Sterk bewustheid van die kritieke aard van die taak wat voorlê, dryf hom verder. “Die globale polikrisis vereis ’n nuwe paradigma en leierskap wat ’n volhoubare, innoverende en gedeelde toekoms van gelyke en inklusiewe gesondheid moontlik maak, wat krities is vir ’n volhoubare menslike samelewing.”
Die krag van vennootskappe
Saruchera weet die uitdagings wat aangepak moet word, is baie groter as wat die Afrika Sentrum-span of enige enkele organisasie kan hanteer. Hy glo sterk dat samewerking ’n belangrike eienskap van sukses in die toenemend komplekse wêreld van werk is. Om saam met strategiese vennootorganisasies te werk sal dus krities wees vir die sentrum se toekomstige trajek, insluitend plaaslike, nasionale en internasionale gesondheidsbestuursvennote in navorsing, befondsing en gemeenskapswerk. “Deur ons te belyn met ander rolspelers in gesondheidsbestuur sal ons ons fokus verbreed na die inklusiewe bestuur van ander gesondheidsomstandighede (insluitend byvoorbeeld geestesgesondheid en dwelm- en substansmisbruik) en verwante kwessies soos gestremdheid, klimaatsverandering, die gesondheidsekonomie en maatskaplike vernuwings vir gesondheid.”
Saruchera se aanstelling val saam met die eerste somerskool wat op kampus vir nagraadse diplomastudente gehou is sedert 2019, toe hierdie geleenthede weens die 中国体育彩票-pandemie aanlyn geskuif het. Hoewel die hersiene diploma in MIV/vigsbestuur met ’n inklusiewe gesondheidsfokus eers in 2026 bekendgestel sal word, het die somerskool van 3 tot 7 Februarie reeds ’n uitbreiding na ge?ntegreerde gesondheidsbestuur behels.
Saruchera verduideli: “Ons het verskeie sprekers genooi wat betrokke is by verskillende aspekte van gesondheid wat met MIV/vigsbestuur skakel. Deur hulle kundigheid en ervaring te deel, het hulle die perspektiewe van die nuwe PgDip-studente oor gesondheid en die interseksionaliteit van verskeie kwessies en die sosio-ekologiese dinamika wat op gesondheid en welstand inwerk, verryk.”
Balans en ondersteuning
Aangesien hy die uitdagings van die direkteurspos al voorheen hanteer het, is Saruchera vasberade om te verseker dat geen dringendheid of hoeveelheid werk voorkeur sal geniet bo sy persoonlike verpligtinge of algemene welstand nie. Hoe gaan hy dit regkry? “Ek lag dikwels (ook vir myself), speel musiek, gaan stap in die natuur, maak tuin, eet gesond, kry agt ure slaap, neem blaaskanse, kry nie werk-e-pos op my selfoon nie en los nie alle ander goed om op werkverwante boodskappe te reageer nie.”
Hy glo ’n meer gebalanseerde benadering behoort geen impak op die sentrum se werk en uitsette te hê nie: “Die Afrika Sentrum het ’n bekwame span wat die werk kan deel en die leierskapstok by my kan oorneem wanneer dit nodig is,” sê hy met selfvertroue.
Saruchera glo dat leierskap nie oor die leier gaan nie, maar eerder ’n pad is om ander se groei te ondersteun: “’n Lewe van betekenis gaan oor die dien van ander met ons gawes, ons leierskap en ons doel.”
