Elke jaar ervaar talle Suid-Afrikaanse families die hartseer van onsekerheid oor wat van hul vermiste geliefdes geword het. Die emosionele spanning kan geweldig wees, wat gesinne magteloos laat voel terwyl hulle op antwoorde wag. Die Tygerberg Forensiese Patologiedienste (FPS)-eenheid, deel van die Wes-Kaapse Departement van Gesondheid en Welstand se Forensiese Patologiedienste, het op hierdie uitdaging gereageer met ? kreatiewe en deernisvolle oplossing.
Onder leiding van dr Janette Verster, het Tygerberg FPS die Tygerberg Positiewe Identifikasie-inisiatief van stapel gestuur. Hierdie program het die tyd wat dit neem om onbekende oorledenes te identifiseer drasties verkort – wat die wagtydperk van etlike maande tot ongeveer 30 dae verminder het. Gesinne kan nou baie gouer afsluiting vind, wat hulle verdere onrus en nood spaar.
? Deernisvolle reaksie op ? dringende behoefte
Voor hierdie inisiatief het die kompleksiteit van forensiese ondersoeke soms beteken dat identifikasie veels te lank geneem het, wat bykomende druk op bedroefde gesinne geplaas het. Verster, wat ook aan die hoof staan van die Afdeling Forensiese Patologie aan die Universiteit Stellenbosch, beklemtoon die verreikende impak van vertraagde identifikasies: “Behalwe vir die emosionele tol op gesinne, lei lang prosesse tot aansienlike finansi?le druk, insluitend daaglikse bergingskoste, DNS-ontledingsfooie en die behoefte aan staatbefondsde begrafnisse."
Met die erkenning van hierdie uitdagings, het die Tygerberg FPS-span sy benadering verander. Eerder as om net op polisie-ondersoeke staat te maak, vergelyk die span nou vingerafdrukke teen bestaande databasisse om ? oorledene se laaste bekende adres te vind. Forensiese patologiebeamptes besoek dan plaaslike gemeenskappe om naasbestaandes vinniger op te spoor en in kennis te stel.
Om ? verskil te maak?
In 2021 het Tygerberg FPS – ontwerp vir 120 liggame – na 297 onopge?iste oorledenes omsien, ? situasie wat ? enorme las op beide die fasiliteit en die geaffekteerde gesinne geplaas het. Die nuwe identifikasiestrategie het die situasie omgedraai en die gemiddelde aantal onge?dentifiseerde individue tot ongeveer 40 gebring. In die algemeen word ongeveer 85% van sake nou in ? fraksie van die oorspronklike tyd opgelos.
Hierdie innoverende proses het nie net broodnodige afsluiting vir gesinne gebied nie, maar dit het ook aansienlike besparings tot gevolg gehad, insluitend minder gebruik van duur DNS-profiele en staatbefondsde begrafnisse. Die Wes-Kaapse regering het meer as R3,3 miljoen in net drie jaar bespaar, en die fasiliteit het maandelikse elektrisiteitskoste met sowat R10 000 gesny weens minder verkoelinggebruik.
? Menslike en gemeenskapsgesentreerde benadering?
Die Wes-Kaapse Departement van Gesondheid en Welstand se Forensiese Patologiedienste, is baie trots op hierdie humanitêre, gesinsgerigte metode. “Wanneer ons ? geliefde vinnig kan identifiseer en oorgee aan die familie, toon dit respek aan die oorledene, help dit gesinne om hul verlies te verwerk, en vergemaklik die logistieke eise aan ons diens," sê Verster. “Dit is ongelooflik lonend vir ons span om te sien hoe gesinne afsluiting vind en vorentoe beweeg."
Mev Vonita Thompson, direkteur van forensiese patologiedienste, sê: “Ek prys die span vir hul volgehoue pogings om families te help. Deur hul onbaatsugtige ingrypings gee hulle afsluiting aan gesinne deur hulle met hul 'verlore' geliefdes te verenig. Die spanne se deernis is inspirerend."
Hierdie inisiatief ? voorbeeld van hoe ? sorgsame, innoverende benadering forensiese patologiedienste kan transformeer. Elke dag wat gespaar word om ? vermiste persoon te identifiseer, verminder nie net koste en druk op openbare gesondheidsdienste nie, maar bied ook aan gesinne die sekerheid wat hulle benodig.?
Onderskrif: Dr Janette Verster.
