?'n Artikel wat in die Nature-vaktydskrif verskyn het, gee 'n uiteensetting van hoe kunsmatige intelligensie (KI) 'n rewolusie op die gebied van navorsing oor aansteeklike siektes kan maak en pandemiese paraatheid aansienlik kan verbeter.
Die artikel, wat deur 'n wêreldwye koalisie van wetenskaplikes uit Afrika, Amerika, Asi?, Australi? en Europa onder leiding van die Universiteit van Oxford geskryf is, beklemtoon die potensiaal van KI om die manier waarop ons toekomstige bedreigings vir aansteeklike siektes voorspel, modelleer en reageer, te hervorm met 'n spesifieke fokus daarop om lewens te red deur vroe? opsporing en doelgerigte ingrypings.
Aangesien die wêreld steeds die bedreiging van opkomende aansteeklike siektes in die gesig staar, beklemtoon hierdie artikel die dringende behoefte daaraan om KI in openbare gesondheidstelsels te integreer. Die wetenskaplikes doen 'n beroep op 'n wêreldwye poging om oor die akademie, regering en industrie heen saam te werk om te verseker dat KI veilig en eties gebruik word, terwyl uitdagings soos die beperkte beskikbaarheid van data en die kompleksiteite van siektevoorspelling aangespreek word.
Volgens die artikel het KI die potensiaal om pandemiese paraatheid in die volgende vyf jaar te transformeer deur die akkuraatheid van siekteverspreidingsmodelle te verbeter en die trajek van uitbrekings te voorspel. KI kan help om ho?risikogebiede te identifiseer en gesondheidsorghulpbronne doeltreffender toe te ken, wat tydige ingryping verseker waar dit die nodigste is.
Dr Houriiyah Tegally, hoof van die Datawetenskap-eenheid by die Sentrum vir Epidemiese Reaksie en Innovasie (SERI) aan die Universiteit Stellenbosch (US), het gesê: "Ons is verheug om saam met KI-wetenskaplikes wêreldwyd te werk om die toekoms van die modellering van aansteeklike siektes te vorm. By SERI glo ons KI is gereed om 'n revolusie in die wetenskap, veral in epidemiologie, aan die gang te sit deur data-ontleding te verbeter. Ons span gebruik reeds KI en masjienleer om dringende navorsingsvrae wat strek van siekteverspreiding en virusklassifikasie tot filogenetika en die voorspelling van klimaatgedrewe migrasies, aan te pak en patogene soos dengue, SARS-CoV-2 en meer aan te spreek."
Die artikel gee 'n uiteensetting van verskeie sleutelareas waar KI 'n beduidende invloed op pandemiese paraatheid kan hê:
- Verbetering van siekteverspreidingsmodelle: Deur voorspellings meer robuus, akkuraat en realisties te maak.
- Teiken gebiede met 'n ho? transmissie: Verseker dat gesondheidsorghulpbronne doeltreffend toegewys word.
- Versnel entstofontwikkeling: Accelerating vaccine development: Deur genetiese data in siektewaarneming te verbeter.
- Identifisering van patogeen-eienskappe: Voorspelling van kruisspesiespronge en begrip van patogeeneienskappe.
- Monitering en opsporing van uitbrekings: Integrasie van KI met data op bevolkingsvlak, insluitende drabare tegnologie?, om siekteneigings beter op te spoor en te monitor.
Hoewel KI gereed is om merkwaardige vooruitgang te dryf, waarsku die skrywers dat samewerking, deursigtigheid en streng veiligheidsprotokolle noodsaaklik is om potensi?le risiko's verbonde aan die ontplooiing daarvan aan te spreek. Dit sal van uiterste belang wees om te verseker dat KI-modelle toeganklik, aanspreeklik en vry van vooroordele is ten einde hulle positiewe impak op globale gesondheid te maksimaliseer.
"Die KI-program in Suid-Afrika in samewerking met die Universiteit van Oxford, die Universiteit van Kopenhagen, die Afrika-instituut vir Wiskundige Wetenskappe (AIMS) en Google DeepMind is ver gevorderd. Ons het nou 'n hele span wiskundiges, datawetenskaplikes en ingenieurs wat saamwerk om die gebruik van KI in aansteeklike siektes te bevorder," het prof Tulio de Oliveira, direkteur van SERI, gesê.
- Oor SERI by die Universiteit Stellenbosch: SERI (Sentrum vir Epidemiese Reaksie en Innovasie) is 'n transdissiplinêre navorsingsinstituut by die Universiteit Stellenbosch wat toegewy is aan die begrip, voorspelling en reaksie op opkomende aansteeklike siektes en epidemies in Afrika. Deur die nuutste navorsing en samewerking is SERI aan die voorpunt van die bevordering van wêreldwye gesondheidsinisiatiewe, die toepassing van KI en ander innoverende tegnologie? om aansteeklike siektes aan te pak.
- Klik hier vir toegang tot die mediaverklaring van die Universiteit van Oxford.
- Klik hier om die volledige artikel te lees.
