Professor Renée Blaauw van die Afdeling Menslike Voeding aan die Universiteit Stellenbosch (US) se Fakulteit Geneeskunde en Gesondheidswetenskappe (FGGW) het die gesogte Kanselierstoekenning in 2024 ontvang. Dit is ? gepaste erkenning van haar veelvuldige bydraes tot die veld van Dieetkunde oor byna vier dekades.
“Dit is ? eer om hierdie erkenning te ontvang vir iets wat ek baie geniet om te doen," sê sy. “Ek is dankbaar teenoor die Universiteit wat my geleenthede bied om studente te ondersteun en myself te bemagtig om die beroep van Dieetkunde te bevorder."
Blaauw het haar loopbaan begin nadat sy ? Baccalaureusgraad in Voeding aan die US in 1984 voltooi het. Sy het die volgende jaar as ? dieetkundige by Tygerberg Hospitaal se Diabetes- en Endokrinologie-eenheid aangesluit voordat sy in 1988 by die US se destydse Voedingseenheid as ? dosent aangesluit het.
“Vir my is die geleentheid om ? klein rol te speel in die vorming van ons studente ? groot verantwoordelikheid en voorreg," sê sy. “Ek geniet werklik die interaksie met elkeen van hulle."
Terwyl sy klas gegee het, het Blaauw in 1990 ? Meestersgraad in Voeding (cum laude) aan die US voltooi en daarna ? PhD in Voedingswetenskappe in 1998 gedoen. Sy het vir sewe jaar van 2002 tot 2009 ? breek van voltydse indiensneming gevat.
Sy was wel in daardie tydperk steeds verantwoordelik vir nagraadse studente en het as die hoofondersoeker vir ? navorsingsprojek vir die Afdeling Menslike Voeding opgetree. Daarbenewens het sy vanaf 1999 tot 2004 as Voorsitter van die Professionele Raad vir Dieetkunde in Suid-Afrika gedien.
In Oktober 2009 het Blaauw Medeprofessor in Terapeutiese Voeding in die Afdeling Menslike Voeding geword en gedien as waarnemende Hoof van die Afdeling van 2011 tot April 2014. Sy het in 2020 Professor in Terapeutiese Voeding geword.
“Die ontwikkeling in ons omgewing was wonderlik om te sien," sê sy. “Toe ek in 1988 by die destydse Voedingseenheid begin het, was ek een van twee personeellede. Ons het nou 14 akademiese en vier steunpersoneellede in die Afdeling Menslike Voeding.
“Ek het ook die voorreg gehad om studieleier of mede-studieleier vir 48 nagraadse studente te wees en hulle te help om suksesvol te gradueer met ? PhD (10 studente) en Meestersgraad (38 studente) in Voeding. Dit was werklik ? lonende ervaring."
Ten spyte van haar passie vir onderrig, het Blaauw nie haar eie navorsing afgeskeep nie. As ? Nasionale Navorsingstigting-gegradeerde navorser (kategorie C2), is haar hoof navorsingsbelangstellings kritiekesorgvoeding, mikrovoedingstowwe in kliniese praktyk en hospitaalwanvoeding.
Sy is ook die outeur of mede-outeur van talle artikels en hoofstukke in wetenskaplike publikasies en handboeke, het navorsingsreferate by nasionale en internasionale kongresse gelewer en was ? genooide spreker by verskeie simposiums en werkswinkels.
Nog ? aanduiding van die respek wat sy in haar vakgebied geniet, is dat sy as ewekniebeoordelaar vir nasionale en internasionale wetenskaplike joernale dien. Sy is ook die huidige hoofredakteur van die South African Journal of Clinical Nutrition.
Sy was ook President van die Suid-Afrikaanse Vereniging vir Parenterale en Enterale Voeding (SASPEN) en is nou ? erelid van beide SASPEN en die Vereniging vir Dieetkunde in Suid-Afrika (ADSA).
Voorts is sy sedert 2016 ? lid van die Global Leadership Initiative on Malnutrition (GLIM)-werkgroep, wat Afrika verteenwoordig. “? Hoogtepunt van my werk is die geleentheid om met kollegas van regoor die wêreld te skakel," sê sy. “Ons het dalk verskillende uitdagings in ons onderskeie gesondheidsorgomgewings, maar ons deel almal ? passie om ons pasi?nte na die beste van ons vermo? te behandel."
Blaauw se 2024 Kanselierstoekenning volg op ? rits ander toekennings gedurende ? voortreflike loopbaan, insluitend die Rektorstoekenning vir Algemene Prestasie vir drie jaar agtereenvolgens (2013 tot 2015), die SASPEN Presidentstoekenning in 2022 ter erkenning van haar bydrae en invloed op die gebied van voeding en ? ADSA/FLORO-toekenning vir haar bydrae op die gebied van dieetkunde en tot die dieetkunde-professie.
Haar liefde vir onderrig blyk ? belangrike dryfveer agter haar loopbaan te wees. “Al kan ek na byna 40 jaar dalk nie al die name van my studente onthou nie, onthou ek wel hul gesigte en hou daarvan om hulle by professionele geleenthede raak te loop," sê sy.
Soos uiteengesit in die Kanselierstoekenning-aanbeveling, is Blaauw “? voorbeeldige akademikus wat klaslesings aanvul met kliniese opleiding in die hospitaalopset" en het “? vaste geloof in lewenslange leer en 'bemagtiging van ander om hulself te help'."
