Die Fakulteit Geneeskunde en Gesondheidswetenskappe (FGGW) se Visedekaan: Leer en Onderrig, prof Karin Baatjes, toon haar toewyding tot onderwys nie net deur woorde nie, maar deur aksie – letterlik.
Haar jaarlikse Birthday for Bursaries (B4B)-veldtog, wat elke jaar rondom haar verjaardag op 31 Januarie afskop, bring die FGGW-gemeenskap byeen vir 'n verdienstelike doel. Die veldtog se derde aflewering het deelnemers wat stap, hardloop en – nuut vir vanjaar – fietsry om fondse vir studentebeurse in te samel. Baatjes en haar span kampioene gaan op 21 Maart aan die Tyger Run/Walk wedloop en die Kaapstad-fietstoer op 9 Maart onder die B4B-vaandel deelneem.
“Ek glo onderrig het die mag om lewens te transformeer, en geen opvoedkundige droom behoort onvervuld te bly weens finansi?le beperkings nie," sê Baatjes. “Hierdie veldtog bied deur middel van beurse deurslaggewende ondersteuning aan verdienstelike studente deur die loop van hulle graadprogramme."
Vanjaar se B4B-veldtog beoog om R80 000 in te samel vir die Ithemba-beursfonds, wat finansi?le bystand aan gesondheidswetenskappestudente by die FGGW bied. Ondersteuners kan Baatjes en die B4B kampioene se voorbereiding op sosiale media volg en bydra tot die projek deur ons skenkingsblad?.
“Ek word elke jaar ontroer deur die vrygewigheid van individue, kollegas, vriende, familie en korporatiewe ondersteuners wat hierdie veldtog ondersteun," sê Baatjes. “Hul bydraes weerspie?l hul geloof in ons jeug en die toekoms van gesondheidswerkers."
Sedert die projek se bekendstelling in 2023, het die veldtog noemenswaardige steun van die opvoedkundige gemeenskap gelok. Vooraanstaande deelnemers het prof Wim de Villiers (US Rektor en Visekanselier), prof Thuli Madonsela (Regsfakulteitstrustleerstoel in Sosiale Geregtigheid en Regte), en prof Lionel Green-Thompson (Dekaan by UK se Fakulteit Gesondheidswetenskappe) ingesluit. Die inisiatief het ook ondersteuning ontvang van prominente figure, insluitend FGGW-alumnus Dr Darren Green en die bekende Suid-Afrikaanse sjef Reuben Riffel.
Om die 2025 B4B-veldtog se vordering te volg, besoek ons sosiale media-kanale (Facebook, Instagram, LinkedIn) of volg Baatjes op Instagram en LinkedIn.
Kyk ook wat die ander B4B-kampioene mee besig is. Hulle is:
? Dr Chanell Marthinussen
? Dr Anstea Meyer
? Suhayl Khalfey (MBChB III)
? Chumisa Yaphi (MBChB IV)
? Dr Casper Joubert (Mmed Occ Med)
? Dr Riaan van Tonder (MMed Radiologie)
? Dr Pieter Kotze (MMed Radiologie)
