- ?Finansieringsbedrag: R200 000 per jaar vir tot drie jaar
- Wie kan aansoek doen? Studiebeurs is oop vir aansoekers vir doktorale studie in die geesteswetenskappe en sosiale wetenskappe en sal op grond van akademiese uitnemendheid en finansi?le behoefte toegeken word.
- Sperdatum: Aansoeke sluit 18 Januarie 2025.
- Klik hier vir die Oproep om Aansoeke
Die Universiteit Stellenbosch (US) is trots om aan te kondig dat aansoeke nou ingewag word vir die eerste Nobantu- en Thukela Gobodo doktorale gedenkbeurse, wat gefinansier word deur 'n gedeelte van die gesogte Templeton-prysgeld wat vroe?r vanjaar aan prof Pumla Gobodo-Madikizela toegeken is.
Beurs vir studie wat sosiale geregtigheid en versoening bevorder
Die beurse, wat ter nagedagtenis na haar ouers vernoem is, is deur Gobodo-Madikizela gestig om navorsingsprojekte te ondersteun wat die transgenerasie-uitwerking van historiese trauma ondersoek en poog om paaie vir maatskaplike verandering te ondersoek. Studies wat daarop gemik is om begrip te verbreed van hoe om maatskaplike geregtigheid te bevorder en intervensies in die herstel van gewelddadige geskiedenisse en traumatiese verledes te ondersoek, sal voorrang geniet.
Gobodo-Madikizela, die bekle?SARChI-leerstoel vir Gewelddadige Geskiedenisse en Historiese Trauma en die stigtersdirekteur van die US se Sentrum vir die Bestudering van die Nadraai van Geweld en die Soeke na Herstel (AVReQ), het R8,5 miljoen van haar Templeton-prysgeld aan die Universiteit beskikbaar gestel.
Hiervan is R5 miljoen aan 'n skenking vir die Nobantu- en Thukela Gobodo-gedenkbeurse toegeken, wat daarop gemik is om voorpuntnavorsing te bevorder in velde wat die komplekse nalatenskap van gewelddadige geskiedenisse aanspreek.
Volgens Gobodo-Madikizela is die beurs haar manier om haar ouers se diepgaande invloed op die waardes wat belangrik in haar lewe is te vereer. Sy sê sy beskou die Templeton-prys as 'n se?n wat 'n geleentheid vir haar geskep het om in die voetspore van haar ouers te volg. "Die eerste gradeplegtigheid wat my ouers bygewoon en by ons huis gevier het, was vir 'n gegradueerde wie se opleiding hulle reeds van 'n vroe? stadium af ondersteun het," verduidelik Gobodo-Madikizela. "My ouers het talent ge?dentifiseer in iemand wie se ouers geen manier gehad het om sy opleiding te prioritiseer nie en hulle het hom in ons huis ingebring en sy opvoeding tot by die Fort Hare-universiteit ondersteun. In my huis was daar altyd ander kinders behalwe my broers en susters wat by ons gewoon het wie se skoolopvoeding, en in sommige gevalle professionele opvoeding, deur my ouers ondersteun is," sê Gobodo-Madikizela.
"Deur doktorale studente in die geesteswetenskappe en sosiale wetenskappe te ondersteun, hoop ek dat die beurse die volgende generasie geleerdes sal bemagtig om by die dringende vrae betrokke te raak om ons te help om die uitdagings te verstaan wat samelewings in die gesig staar wat deur historiese trauma geraak word, om vakkundigheid te bevorder en om by te dra tot nuwe kennisproduksie wat die openbare mening sal inlig en ons na oplossings sal lei."
Finansier akademiese uitnemendheid in geesteswetenskappe en sosiale wetenskappe
Elke beurs bied R200 000 per jaar vir tot drie jaar, wat studente in staat stel om ten volle op hulle navorsing te fokus sonder die finansi?le las om bykomende werk te soek. Die tweede en derde jaar van finansiering is hernubaar indien die student bevredigende akademiese vordering toon.
Die beurs word op grond van akademiese uitnemendheid en finansi?le behoefte toegeken. Voorkeur sal aan aansoekers uit histories onderverteenwoordigde groepe gegee word.
Aansoekproses
Aansoeke sluit 18 Januarie 2025 en moet die volgende bevat:
- 'n Omvattende navorsingsvoorstel (maksimum vyf (5) bladsye)
- 'n Persoonlike motiveringsbrief wat akademiese belangstellings, belyning met die beursdoelwitte en besonderhede van finansi?le behoefte uiteensit
- Gesertifiseerde akademiese transkripsies
- 'n Gedetailleerde CV wat akademiese prestasies beklemtoon
- Twee akademiese verwysingsbriewe
- Kandidate wat die kortlys haal, sal vir onderhoude met die beurskomitee genooi word.
Bemagtig toekomstige geslagte
Gobodo-Madikizela se werk het vakkundiges wêreldwyd ge?nspireer en stel steeds 'n ho? maatstaf vir uitnemendheid, deernis en aanspreeklikheid.
Die studiebeurse beklemtoon ook die US se rol as 'n toonaangewende instelling in die bevordering van betekenisvolle navorsing wat vorige ongeregtighede oorbrug en 'n billiker toekoms in die vooruitsig stel.
Vir meer inligting en om aansoek te doen, besoek die aansoekportaal of kontak Nugent Lewis, Direkteur: Direkteur: Opkomende Wetenskaplike Befondsing en Ondersteuning, by nugent@sun.ac.za.
