?
Van 9-13 September 2024 het 'n afvaardiging van Stellenbosch Universiteit (SU) deelgeneem aan die derde ronde van die Trilaterale Personeelontwikkelings- en Uitruilprogram, saam met kollegas van Northwestern Universiteit (VSA) en die Universiteit van Hamburg (Duitsland). Die program, wat daarop gemik is om volhoubaarheid in ho?r onderwys te integreer, het 'n unieke platform gebied vir administratiewe personeel om innoverende benaderings tot volhoubaarheid oor verskeie universiteitsdomeine te verken.
Voor die uitruil het die SU-groep 'n inleidende sessie gehad wat gefokus het op interkulturele vaardighede en internasionalisering, wat die grondslag gelê het vir die weeklange samewerking in Hamburg. Die gasvryheid van die Duitse gasheer en die ysbreker-aktiwiteite met die Amerikaanse kollegas het gehelp dat deelnemers vinnig aangepas en deelgeneem het.
Die geleentheid het volhoubaarheid in verskeie gebiede ondersoek, insluitend onderrig, navorsing, kampuslewe en kurrikulumontwikkeling. 'n Hoogtepunt van die eerste dag was 'n kampus-wye soektog, waar deelnemers van die drie universiteite in spanne saamgewerk het. Hierdie interaktiewe oefening het nie net die historiese belangrikheid van die Universiteit van Hamburg-kampus beklemtoon nie, maar ook hul verbintenis tot volhoubaarheidspraktyke.
'n Kernkomponent van die uitruil het behels dat deelnemers saamgewerk het aan projekte wat daarop gemik was om uitvoerbare volhoubaarheidsinisiatiewe te genereer wat by die drie instellings ge?mplementeer kan word. Die deelnemers het drie sleutelvoorstelle ontwikkel: 'n "volhoubaarheidskaart" om omgewingsbewustheid te bevorder, 'n volhoubaarheidsgeletterdheidskursus vir eerstejaarstudente, en hulpmiddels vir die insluiting van volhoubaarheid in verskillende vakrigtings.
Deelnemers van Stellenbosch het hul insigte en persoonlike groei ná die uitruil gedeel. Heilet Bertrand, Bestuurder van die Instituut vir Toekomsondersoeke by die Stellenbosch Bestuurskool, het die waarde van sulke uitruilings tussen die Globale Noorde en die Globale Suide beklemtoon. Sy het opgemerk: "Stellenbosch Universiteit is bevoorreg om in Afrika te wees, en ons het baie om te deel. Ons probleemoplossingsvermo? en begrip van kompleksiteit en diversiteit kan grootliks tot die voordeel van die Globale Noorde wees." Bertrand het ook oor haar groter bewustheid van volhoubaarheidspraktyke ná haar terugkeer gereflekteer.
Vir Lamese Chetty, 'n Akademiese Adviseur by die Fakulteit Mediese en Gesondheidswetenskappe, was die uitruil besonders transformeerend aangesien dit haar eerste ervaring in die buiteland was. "Hamburg se volhoubaarheidsinisiatiewe—soos die gebruik van glas in plaas van plastiek en watervore op die kampus—was werklik indrukwekkend," het sy gesê, en bygevoeg dat die ervaring haar passie vir die bevordering van soortgelyke praktyke by SU aangevuur het.
Ander deelnemers het ook 'n hernude verbintenis tot volhoubaarheid uitgespreek. Corina du Toit, Programbestuurder by die SDG/2063 Impact Hub, het die belangrikheid van sosiale en ekonomiese volhoubaarheid, veral in die Globale Suide, beklemtoon. "Die 'mense'-aspek is vir ons net so belangrik soos die 'planeet.' Om basiese menslike behoeftes soos die uitwissing van armoede en toegang tot gesondheidsorg aan te spreek, is net so 'n prioriteit as om ons omgewing te beskerm," het sy gesê.
Vir Michelle Munro, Bestuurder van die MIV-, Geslags- en Seksualiteitsportefeulje by SU se Gelykheidseenheid, het die uitruil 'n vars perspektief gebied oor hoe personeel uit verskillende agtergronde doeltreffend kan saamwerk om globale uitdagings aan te pak. Joy Petersen, Ko?rdineerder van die Eerstejaarstudente-ervaring by SU, het die potensiaal vir internasionale netwerkvorming beklemtoon en die ervaring as 'n "kragtige geleentheid" vir samewerking oor volhoubaarheidsinisiatiewe beskryf.
Raphael Thompson, 'n Tegniese Bestuurder by SU se Fakulteit Ingenieurswese, was die enigste manlike deelnemer oor die drie universiteite heen, 'n rol wat hy met humor as die "Kwaterman" aanvaar het. Sy belangrikste insig was 'n dieper begrip van hoe volhoubaarheid in ho?r onderwys ge?ntegreer kan word. "Sedert my terugkeer het ek begin om sommige van die strategie? wat ek in Hamburg gesien het, in my departement te implementeer, met die visie om dit die groenste by SU te maak," het hy gesê.
Lidia du Plessis, Programbestuurder vir Personeel-internasionalisering by SU International, wat die Stellenbosch-groep gelei het, het haar trots uitgespreek oor wat die week opgelewer het: "Ek is ongelooflik trots op wat ons van 9-13 September 2024 by die Universit?t Hamburg bereik het. Dit was 'n inspirerende week van samewerking, leer en uitruiling, gefokus op die integrasie van volhoubaarheid oor alle aspekte van ho?r onderwys. Deelnemers van Northwestern Universiteit, Stellenbosch Universiteit en Universit?t Hamburg het 'n skat aan kennis en innoverende idees gebring. Saam het ons ondersoek hoe volhoubaarheid in internasionalisering, onderrig, navorsing, kampuslewe ingebed kan word en hoe universiteite as agente van verandering vir stede en samelewings kan optree.
Wat hierdie program werklik besonders gemaak het, was die holistiese benadering tot volhoubaarheid—die ondersoek na omgewings-, ekonomiese en sosiale dimensies. Die besprekings en werkswinkels het nie net ons begrip verdiep nie, maar ook ons verbintenis versterk om ons instellings in meer volhoubare omgewings te transformeer. Ek bedank al die deelnemers, sprekers en ons Hamburg-kollegas hartlik vir die sukses van hierdie week. Ek is opgewonde om te sien watter vennootskappe en projekte hieruit sal groei."
Die program, wat wissel tussen die drie universiteite, sal oor die volgende drie jaar voortgaan, met Stellenbosch Universiteit wat die volgende ronde sal aanbied.
