Kevin Naylor, ?n student aan die Skool vir Rekeningkunde, is onlangs gekies as ?n lid van die Jong Leiers Kollektief van die Internasionale Federasie vir Rekeningkundiges (IFAC). As eerstejaarstudent aan die Universiteit Stellenbosch het Kevin sy opgewondenheid verwoord: “Dit is onwerklik om as een van die Jong Leiers Kollektief gekies te word! Ek voel ongelooflik ge?erd om saam met 27 individue van regoor die wêreld, almal aspirant-rekeningkundiges en rekeningkundiges vroeg in hul loopbane, aangewys te word.”
“Baie min ervarings kan hiermee vergelyk word. Ek is innig dankbaar dat ek as een van IFAC se eerste groep jong leiers gekies is en dat ek Suid-Afrika as net een van twee verkose individue kan verteenwoordig.”
Die Jong Leiers Kollektief stel hom ten doel om die stemme van die volgende generasie rekeningkundiges te versterk. As lid sal Kevin die geleentheid hê om met ander jong leiers saam te werk ten einde brandende kwessies te hanteer en ontluikende geleenthede in die rekeningkundige wêreld te ondersoek. Sy rol behels onder meer om bydraes te maak rakende insigte oor belangrike inisiatiewe soos kunsmatige intelligensie, volhoubaarheid en die bestryding van korrupsie. Daar is ook die opwindende vooruitsig om die Kollektief in verskeie internasionale forums te verteenwoordig.
In ?n terugblik op sy lewe vertel Kevin van ?n kompetisie vir sakeplanne wat, glo hy, die motivering was vir sy beroepskeuse. “In my grootwordjare het ek ’n passie vir wiskunde, rekeningkunde en tale gehad. Die beslissende faktor was egter die plesier wat ek ervaar het toe ek ’n sakeplan vir die SAIPA Rekeningkunde en Wiskunde Olimpiade van 2023 ontwikkel het. Nadat ek die kompetisie gewen het, het ek instinktief geglo dat rekeningkunde die regte passie was om na te jaag; ek kon myself indink dat ek die beroep vir die res van my lewe sou geniet.”
Sy entoesiasme vir die veld het toegeneem sedert hy met sy universiteitstudie begin het. “My eerste jaar op universiteit was tot dusver wonderlik! Ek het soveel eendersdenkende mense ontmoet en het reeds so baie oor die rekeningkundebedryf geleer. Ook het die ongelooflike dosente my liefde vir rekeningkunde selfs verder aangeblaas!”
Wat die toekoms betref, is Kevin se uiteindelike doel om ?n geoktrooieerde rekenmeester te word. Tot dan wil hy sy beroepsperspektief verbreed en diegene rondom hom inspireer. Sy raad aan huidige studente is: “Moet jouself nooit onderskat nie. Moenie bang wees om uit te staan nie en gryp elke geleentheid aan wat na jou kant toe kom. Die wêreld is werklik jou oester!”
Kevin het ook sy dank uitgespreek aan diegene wat hom op sy reis ondersteun het. “Eertens wil ek graag vir me Sybil Smit en prof Pieter von Wielligh bedank omdat hulle my aan hierdie wonderlike geleentheid blootgestel het, asook vir hul aanmoediging. Daarby wil ek my rekeningkunde-onderwyser op ho?rskool, mev Wilma Jacobs, bedank. Sy het ?n onontbeerlike rol in my keuring vir die Kollektief gespeel. Gedurende my laaste twee ho?rskooljare het sy my talle geleenthede gegee om my rekeningkundevaardighede te slyp en my passie vir die veld uit te bou. Danksy haar mentorskap het ek ?n besondere akademiese rekord ontwikkel, wat later die deurslag gegee het vir my suksesvolle aansoek by die Kollektief.”
Terwyl Kevin sy reis met die Jong Leiers Kollektief aanpak, dien sy verhaal as ?n inspirerende voorbeeld van hoe passie, toewyding en mentorskap deure kan open tot ongelooflike geleenthede op die wêreldwye verhoog.
