?Dr Shannon Bishop-Swart en dr Elzahn Rinquest het onlangs 'n werkswinkel vir onderwyserwelstand en veerkragtigheid aangebied aan dertig voor- en nagraadse onderwysstudente by die Makerere Universiteit in Kampala, Uganda deur middel van 'n Afrika-samewerkingstoekenning.
Die doel van die onderwyserwelstandwerkswinkels getiteld “Teacher Welbeing African Partnership: Building Emotional Resilience" het op vyf komponente gerus. Eerstens, om ge?ntegreerde opleidingsmodules te ontwikkel wat onderwyserswelstand, effektiewe klaskamerbestuur en die genuanseerde begrip van emosies in die klaskamer insluit. Tweedens, om omvattende gemeenskapsuitreikprogramme te ondersteun deur saam te werk met PACHEDO, 'n Ugandese NRO, om emosionele intelligensiekomponente in gemeenskapsuitreikprogramme te inkorporeer, wat 'n omvattende benadering tot gemeenskapsbetrokkenheid verseker wat emosionele dinamika in ag neem. Derdens, vir interdissiplinêre navorsingsamewerking tussen twee Afrika-universiteite, wat die interaksie tussen onderwys, sielkunde en emosionele intelligensie in onderrigpraktyke ondersoek. Vierdens, om toekomstige geleenthede vir uitruilprogramme te ondersoek wat spesifiek fokus op die begrip en implementering van emosionele intelligensie in opvoedkundige omgewings en die fasilitering van kruiskulturele leerervarings vir opvoeders. En laastens, om 'n toegewyde netwerk onder werkswinkeldeelnemers te vestig om hul ervarings, hulpbronne en strategie? wat verband hou met emosionele welstand in die klaskamer te deel en deurlopende samewerking en ondersteuning aan te moedig.
Die twee akademici het 'n gedeelde belangstelling in onderwyserswelstand as 'n noodsaaklike element vir onderwysers se sukses. Ten spyte van hul wedersydse belangstelling in onderwyserswelstand, is 'n akademiese bekommernis wat beide navorsers gehad het, die fokus van navorsing oor onderwyserwelstand in die globale Noorde. Die Ugandese Onderwyserswelstandwerkswinkel het gedien as 'n waardevolle uitruil van idees en ervarings. Die terugvoer en refleksies van die Ugandese deelnemers sal dr Bishop-Swart en dr Rinquest help om die werkswinkel verder te verfyn om te verseker dat dit van toepassing is op diverse Afrika-kontekste. Die samewerking tussen Universiteit Stellenbosch en Makerere Universiteit, die Ugandese nie-regeringsorganisasie PACHEDO, en die US se sosiale impakprojek TeacherCalm is 'n belangrike stap om 'n wêreldwye impak op onderwyserswelstand te maak.
Die eerste drie dae in Uganda is die akademici vergesel deur PACHEDO se president, Simon Omali, en sekretaris, Sam Okuni, albei stigterslede, en het saam na verskeie PACHEDO-onderwysprojekte regoor Oos- en Sentraal-Uganda gereis. Die groep het Vrouedag spandeer saam met 'n groep vroue wat in 'n vlugtelingkamp naby die Suid-Soedanese grens woon en betrokke is by PACHEDO se gemeenskapsveerkragtigheid en huishoudelike volhoubaarheidsprogramme om vaardighede aan te leer en 'n inkomste te verdien. Die vroue het gesing en gedans en inspirerende stories gedeel van hoe hierdie onderwysprogramme hulle gehelp het om meer onafhanklik te word en nie net 'n inkomste te verdien nie, maar ook waardevolle vaardighede op te doen wat hulle met hul gemeenskap kan deel en sodoende volhoubaarheid van die vaardigheid en inkomste.
Tydens hul besoek aan Makerere Universiteit is die akademici ontvang deur prof. Jude Ssempebwa, medeprofessor in ho?ronderwysstudies en bestuur by die Oos-Afrika Skool vir Ho?ronderwysstudies en -ontwikkeling, Kollege vir Onderwys en Eksterne Studie.
?Samewerking en vennootskap agtergrond
Twaalf jaar gelede, op 'n opvoedkundige uitruil terwyl sy haar Meestersgraad aan Teachers College, Columbia Universiteit studeer het, het dr Bishop-Swart na Uganda gereis en 'n stigterslid geword van 'n nie-regeringsorganisasie genaamd PACHEDO - Partners for Community Health and Development Organisation. Sedertdien het PACHEDO sukses en ervaring gehad, veral in humanitêre herstelopvoeding vir kinders, vroue en jeugdiges in konflik, rampe en armoede wat gemeenskappe in Oos-Afrika geraak het. PACHEDO se onderwysintervensies sluit die verbetering en integrasie van vier onderwyselemente in: i) Vroe? Kinderontwikkeling, ii) Primêre Onderwys, iii) Gemeenskapsoorgangs- en versnelde leerprogram (CTLP en ALP); en iv) Beroeps- en vakleerlingskappe wat belyn is met nasionale onderwysbeleide en kurrikulum, asook die verskaffing van relevante oorgangsvaardighede wat al hierdie struikelblokke aanspreek.
In 2022 het dr Elzahn Rinquest TeacherCalm as 'n sosiale impak (SI)-projek binne die Fakulteit Opvoedkunde aan die Universiteit Stellenbosch gestig. Hierdie SI-projek fokus op die ondersteuning van die welstand van voordiensonderwysers en om hulle toe te rus met effektiewe klaskamerbestuurstegnieke. TeacherCalm erken dat onderwyserwelstand 'n komplekse wisselwerking van faktore is, insluitend emosionele, fisiese en sosiale dimensies en, deur hierdie onderling verbonde aspekte aan te spreek, streef TeacherCalm daarna om 'n ondersteunende en koesterende omgewing vir onderwysers te skep.
