?Die Universiteit Stellenbosch (US) en die Universiteit van Groningen (UG) is verbind tot die internasionalisering van ho?r onderwys en die bou van volhoubare en gelykwaardige vennootskappe tot voordeel van hulle studente, personeel en die algemene samelewing.?
Hierdie gesamentlike verklaring bevestig die twee instellings se verbintenis om hulle samewerking te versterk ter ondersteuning van internasionale onderwys, navorsing en innovasie.
Albei instellings bevestig hiermee, sowel individueel as gesamentlik, hulle steun vir:
- hulle strategiese en omvattende vennootskap;
- impakryke navorsingsamewerking en gesamentlike finansieringsaansoeke op alle terreine, veral energieoorgange, digitale transformasie en gesondheidsoplossings;
- gesamentlike akademiese leerstoele, met die vakgebied van rekenaarsterrekunde as beginpunt;
- samewerking in die klusters van uitnemendheid van die Afrikanavorsingsuniversiteitsalliansie (ARUA) en die Gilde van Europese Navorsingsintensiewe Universiteite, sowel as ander konsortiums;
- vermo?bou op alle wetenskaplike gebiede;
- gesamentlike akademiese programme, van voorgraadse tot PhD-vlak;
- die vestiging van 'n gesamentlike US-UG Nagraadse Skool;
- die bevordering van transdissiplinariteit deur middel van openbare-privaat-akademiese vennootskappe; en
- optimale belyning van die twee instellings se beleide.
Ons erken dat wêreldwye uitdagings, soos dié waarna die Verenigde Nasies se Volhoubare Ontwikkelingsdoelwitte en die Afrika-unie se Agenda 2063 verwys, wêreldwye oplossings vereis. Daarom is verantwoordelike, impakryke internasionale samewerking noodsaaklik. Die Universiteit Stellenbosch en die Universiteit van Groningen het 'n gemeenskaplike visie vir hierdie tipe samewerking en is daartoe verbind om dit te verwesenlik.
/00000000000000000000000000000000000000000000000000001Untitled%20design%20(62).png)
