????Die feite

Die Wilgenhof-koshuis het 'n totale kapasiteit van 206 beddens. Dit is een van die kleinste manskoshuise vir junior studente uit 12 junior koshuise wat manstudente akkommodeer (insluitend gemengde koshuise). Daar is tans 3295 lewende Wilgenhof-alumni op die US-databasis. Dit is nie korrek dat Wilgenhof alumni of inwoners die Wilgenhof-eiendom en geboue besit nie. Die Universiteit is egter bewus daarvan dat lede van die Wilgenhof Alumnivereniging die naam “Wilgenhof" sowel as die domeinnaam van die webwerf van Wilgenhof-koshuis geregistreer het.

1 November 2024

?Die Raad van die Universiteit Stellenbosch (US) het Vrydag 1 November 2024 ’n buitengewone vergadering gehou om die onlangse verwikkelinge te oorweeg nadat die Kanselier se be?digde verklaring aan die media beskikbaar gestel is wat bewerings van onbehoorlike inmenging bevat ten opsigte van die bevindings van die onafhanklike paneel wat die inhoud wat gedurende 'n oudit van die ruimtes en geriewe van die koshuis gevind is, moes ondersoek en aan die Rektoraat verslag moes doen oor sy bevindings en aanbevelings. (Klik hier om die opdrag van die paneel te lees.)?

Die Raad het besluit om die aangeleentheid van die Wilgenhof-paneel se verslag vir verde?re ondersoek te verwys. Die Raad het die Sosiale en Besigheidsetiekkomitee ("SBE") en die Oudit- en Risikokomitee ("ORK") van die Raad opdrag gegee om toepaslike onafhanklike deskundige(s) ("Die Paneel") aan te stel en te ko?rdineer om die volgende te ondersoek: (1) die omstandighede waaronder die Wilgenhof-paneelverslag verander is, (2) of die Uitvoerende Komitee van die Raad op sy vergadering op 4 Junie besluit het dat Wilgenhof gesluit moet word, en (3) of die Voorsitter van die Raad die Kanselier se kommer oor die verandering aan die laaste paragraaf van die Wilgenhof-verslag by sy vergadering van 24 Junie 2024 aan die Raad moes bekend gemaak het.

Die paneel sal sy bevindinge betyds aan die Raad voorlê vir die Raadsvergadering wat vir 2 Desember 2024 geskeduleer is, sodat die Raad oor toepaslike optrede kan besluit. Lees die Universiteit se volledige verklaring hier. Die uitkoms van die vergadering is per interne e-pos en die Universiteit se webwerf gekommunikeer.

Oktober 2024

Die besluit om Wilgenhof te sluit is deur twee belanghebbergroepe, die Vereniging vir die Bevordering van Wilgenhof-inwoners (AWIR) en die Wilgenhof-bond (of Wilgenhof-alumnivereniging) teengestaan en het uitsluitsel by die Kaapse Hooggeregshof op uiteenlopende gronde gevra.

AWI?R het 'n onmiddellike interdik gevra om die sluiting van Wilgenhof te ?stop op grond daarvan dat die huidige studente wat in die koshuis woon, die meeste sal ly indien Wilgenhof gesluit word (met verwysing na hul moontlike plasing elders in studenteverblyf, die waargenome onsekerhede en gevolge daarvan, ens)..

As 'n tweede stap het AWIR ook die hof genader om die verslag van die Wilgenhof-paneel te hersien. Net so het die Wilgenhof-ook die hof versoek om 'n aansoek te oorweeg om die verslag van die Wilgenhof-paneel te hersien met die doel om dit tersyde te stel.

Ten einde lang en uitgerekte prosesse te vermy, het die Universiteitsraad en die Rektoraat gekies om 'n onderhandelde skikking met AWIR te bereik wat die Universiteit in staat sal stel om voort te gaan met die herskeppings- en vernuwingsproses van Wilgenhof – al is dit in 'n gewysigde vorm. (Sien die verklaring oor die skikkingsooreenkoms hier.)

Dit beteken daar is 'n ooreenkoms om Wilgenhof-inwoners te akkommodeer deur die sluitingstydperk tot een semester te verkort en deur daardie studente wat wil, toe te laat om in die grootste van die twee nuwe noordkampuskoshuise te bly. (Lees die vorige kommunikasie in hierdie verband.) Dit is belangrik om daarop te let dat die skikking nie 'n kompromis is oor die kern van die Raadsbesluit is nie, naamlik om die koshuis in sy huidige vorm te sluit en 'n gefasiliteerde proses na 'n herverbeelde, hernude en herskepte studentegemeenskap aan te pak.

16 September 2024

?Die Raad van die Universiteit Stellenbosch (US) het by sy vergadering van 16 September 2024, kragtens klousule 10(3)(g) van die US se Statuut, die besluit geneem om die Wilgenhof-koshuis in sy huidige formaat te sluit en te vervang met 'n herverbeelde en nuut-ge?nspireerde manskoshuis studentegemeenskap. 'n Hernude koshuis sal die konstruktiewe aspekte van Wilgenhof erken, maar ook 'n beslissende breuk maak met die onaanvaarbare en geheimsinnige praktyke van die verlede soos wat ons vorentoe beweeg om 'n omgewing te skep waar alle studente kan floreer, in ? gemeenskap wat die waardes van inklusiwiteit, respek en uitnemendheid handhaaf.

30 September 2024
?

Die US-Raad het die redes vir sy besluit verskaf, soos hier gepubliseer, in reaksie op 'n formele versoek om redes ingevolge die Wet op die Bevordering van Administratiewe Geregtigheid Wet 3 van 2000, te verskaf.?

Deelname van Wilgenhof-inwoners aan studente-aktiwiteite in 2024

Bewerings is gemaak dat “die Universiteit, die Rektoraat en bestuur" Wilgenhof-studente uitgesluit het van alle universiteits- en kluster-geleenthede en aktiwiteite sedert die begin van 2024. Dit is nie feitelik korrek nie.

Wilgenhof vorm deel van die Victoria-kluster wat die koshuise Monica en Harmonie en die Pendel-studentegemeenskappe Silene and Oude Molen insluit.

Wat kluster-aktiwiteite betref is Wilgenhof genooi om deel te neem aan Kluster Atletiek aan die begin van die jaar en die Victoria Kluster Jazz-aand, en hulle het aktief deelgeneem aan die onlangse Victoria Kluster-leierskapskoukus. Wilgenhof het ook deurlopende toegang gehad tot kluster-hulpbronne en infrastruktuur, byvoorbeeld die Victoria Hub.

Wat ander kampusaktiwiteite betref: Wilgenhof het onder meer deelgeneem aan die amptelike Universiteitsopening vir nuwe studente by Coetzenburg, die Dream Walk, die Verwelkoming-skou, Kampusliga Rugby, Kampusligasokker, die Derby-week, Mollasse Sêr en US Acapella.

Ná verskeie gefasiliteerde beraadslagings in Januarie het studenteleiers in die Victoria-kluster (Monica, Harmonie, Silene en Oude Molen), waarvan Wilgenhof deel is, egter besluit dat Wilgenhof nie aan Klusterdag (die eerste Saterdag van die verwelkomingstydperk) sal deelneem nie.

Koshuisaansoeke volgens aansoekkeuse

Wilgenhof het oor die afgelope jare die laagste aantal aansoeke (van voornemende studente) van die manskoshuise en gemengde-koshuise (Goldfields and Metanoia) met manskamers ontvang. In totaal het Wilgenhof die afgelope agt jaar (vir die innamejare van 2016-2023) die laagste aantal aansoeke (van voornemende studente) vir eerste, tweede en derde keuse ontvang. (Altesaam 4 519 aansoeke ?teenoor 13 173 aansoeke vir Dagbreek - die hoogste.) Wat die eerste keuse betref, was Wilgenhof die afgelope paar jaar in die onderste drie of vier.

Dit is nie korrek dat Metanoia "baie min" aansoeke van voornemende studente ontvang nie.

• Die US se voorgraadse gemengde koshuise (Stellenbosch) is Goldfields, Metanoia en Huis Neethling.
• Die senior gemengde koshuise (Stellenbosch) is Lobelia, Concordia, Huis MacDonald, Huis de Villiers, Huis Russel Botman House en The Village
• Die US gemengde koshuise of the Tygerberg-kampus, is Hippokrates, Meerhoff, eNkanyini, Huis Nkosi Johnson House en Huis Ubuntu House

Inligting oor US-koshuise is hier beskikbaar.