REGISTRASIE OP TYGERBERG-KAMPUS 2025

Studente van die Fakulteit Geneeskunde en Gesondheidswetenskappe (FGGW) op die Stellenbosch- en Tygerberg-kampus moet die registrasieprosedures volg wat in die tersaaklike registrasiekennisgewing uiteengesit word:

• Vir registrasie van terugkerende studente van FGGW, klik hier.
• Vir registrasie van nuwelingstudente van FGGW, klik hier.

Koshuise

Maak seker dat jy vóór registrasie verblyf verseker het

Belangrike kennisgewing: Akkommodasie is nie by jou akademiese aanbod ingesluit nie. Jy is verantwoordelik om jou eie verblyf op eie koste te verseker voordat jy op kampus aankom en registreer. Besoek www.maties.com vir meer inligting oor koshuis en privaat geakkrediteerde verblyf.

Koshuise sal volgens die skedule hieronder uiteengesit vir verskillende studentekategorie? open

Nuwelingeerstejaarstudente

• Fakulteit Regsgeleerdheid, nuweling-eerstejaarstudente: Maandag 27 Januarie 2025
• Nuwelingstudente wat plek in 'n universiteitskoshuis gekry het, moet by hulle koshuise aanmeld in ooreenstemming met die tye wat vanaf 29 Januarie 2025 deur individuele koshuise gekommunikeer is.

Let asseblief op die volgende: Indien eerstejaarstudente sonder enige voorafre?lings versuim om teen die intrekdatums by die koshuis aan te meld, sal hulle koshuisplek gekanselleer word en aan studente op die koshuiswaglys toegeken word.

Senior en terugkerende studente

• Voorgraadse koshuise op Stellenbosch-kampus
  - Huiskomiteelede (HK): Vrydag 17 Januarie 2025
  - Senior studente: Woensdag 5 Februarie 2025
• Senior koshuise (Huis Mac Donald/Concordia/Lobelia/Huis de Villiers/The Village, Huis Russel Botman en Walter Parry House), LLL-huise and US-huise op die Stellenbosch-kampus: Vrydag 10 Januarie 2025 

Indien jy nie jou koshuisaanbod aanvaar nie, moet jy ons asseblief in kennis stel om koste te vermy

Studente (nuwelingeerstejaars én seniors) wat nié van plan is om hulle plek in die koshuis te gebruik nie, moet die Studenteakkommodasiekantoor by rescancellations@sun.ac.za in kennis stel om te voorkom dat huisvestingsgeld op hulle studenterekening verskyn.

Verseker privaat verblyf betyds

Indien jy nie verblyf in ’n koshuis gekry het nie, verseker asseblief privaat verblyf. Besoek ons webwerf vir privaat verblyf hier. Jy is ook welkom om die Privaat Akkommodasiekantoor in Administrasie A te besoek. Dit bly jou verantwoordelikheid om op eie koste verblyf te verseker voordat jy op kampus aankom.

Indien jy 'n beurshouer is, moet jy ook onthou om bewys van finansiering te verseker. Indien jy nie bewys van finansiering het nie, sal ons jou nie kan help om privaat geakkrediteerde verblyf te verseker nie.

Registreer op die waglyste indien jy vir koshuisplasing in aanmerking kom

Die koshuiswaglyste vir alle geregistreerde studente sal op 10 Januarie 2025 op jou studenterekening oopmaak. Hou asseblief in gedagte dat die plek beperk is en dat plasingskriteria steeds van toepassing sal wees.

• Voorkeur sal aan NSFAS-eerstejaars gegee word in ooreenstemming met die Koshuisplasingsbeleid.
• Terugkerende studente wat nie hiervoor in aanmerking kom nie, sal nie oorweeg word nie. Verwys asseblief na privaat akkommodasie.

Registrasieprosedures: Stellenbosch-kampus

Studente in fakulteite op Stellenbosch-kampus het die volgende registrasie-opsies tot hulle beskikking:

Opsie 1: Aanlyn registrasie (selfregistrasie)

• Aangesien die meeste studente aanlyn kan registreer, moedig ons jou aan om van die aanlyn registrasieproses op die studenteportaal gebruik te maak. Moenie toustaan nie – registreer aanlyn!
• Die volgende studente sal nié aanlyn kan registreer nie:
  • Huidige US-studente wat een of meer toelatingsdokumente kortkom (soos ’n matriekvrystellingsertifikaat, amptelike uitslae, of postmatriekbewyse van toelaatbaarheid)
  • Huidige US-studente wie se hertoelating tot die Universiteit nie in orde is nie
    
  • Diegene wie se studenterekeninge by die Universiteit agterstallig is (debiteure). Raadpleeg asseblief die afdeling oor studiegeld vir verdere inligting.
  • Diegene wat vir spesiale programme of as spesiale studente registreer.
  • Diegene wie se akademiese rekord aan die einde van die vorige jaar ’n ander finale uitslag as “Slaag jaar” getoon het.
• Registreer aanlyn by https://student.sun.ac.za/vanaf ’n toestel met ’n werkskermfunksie (“desktop view”) en internettoegang. Die beste webleser om te gebruik is Google Chrome.
• Ons sal studente ook op kampus met die aanlyn registrasieproses bystaan.
  Studente (buiten studente van die Fakulteit Geneeskunde en Gesondheidswetenskappe) kan dus gerus tussen 13 Januarie en 6 Februarie 2025 gedurende werksure die rekenaargebruikerarea in lokaal E24 op die eerste verdieping van die Langenhoven-studentesentrum (die Neelsie) besoek vir hulp met die aanlyn registrasieproses.
• Indien jy nie aanlyn kan registreer nie of spesiale vereistes het, kan jy op kampus registreer gedurende ons (ondersteunde) kampusregistrasietydperk (let op opsie 2 hier onder) vir alle studente op Stellenbosch-kampus. Dít vind in die NARGA-rekenaargebruikerarea in die Admin A-gebou in Ryneveldstraat plaas.

Opsie 2: (Ondersteunde) kampusregistrasie (voor- en nagraadse programme)

• Hierdie opsie is vir voor- en nagraadse studente wat nie aanlyn kan registreer nie of sukkel om hulle registrasie op die studenteportaal te voltooi. Indien jy hulp nodig het met aspekte soos kurrikulumadvies, kan jy gedurende die kampusregistrasietydperk persoonlik op kampus registreer.
• Hou in gedagte dat elke fakulteit hulle eie registrasiedatums en -spertye vir (ondersteunde) kampusregistrasie het. Daardie datums is hier te kry.
• Alle studente op Stellenbosch-kampus wat nie deur die aanlyn proses kon registreer nie, kan in die rekenaargebruikerarea (NARGA) in Admin A registreer.
• · Die enigste uitsondering is terugkerende voorgraadse studente van die Fakulteit Geneeskunde en Gesondheidswetenskappe wat op Stellenbosch-kampus studeer, wat by me Jabu Motahane in lokaal 3020, Admin A, kan registreer ( jabuz@sun.ac.za / 021 808 4842).
• Raadpleeg asseblief die registrasierooster? vir kampusregistrasiedatums.

Finale toelating vir nuweling-inkomende voorgraadse studente

Ons sal ’n finale aanbod maak op grond van jou finale graad 12-uitslae, wat in Januarie 2025 bekend sal wees. Jy sal twee dae tyd hê om die aanbod te aanvaar voordat dit verstryk. Hou jou e-pos dop vir enige aankondigings maak seker dat jy jou aanlyn status nagaan deur die aansoekerportaal te gebruik.

Sorg asseblief dat jy voortdurend die status van jou studentekontrak op die aansoekerportaal nagaan sodra dit gelaai is. Let ook asseblief daarop dat hierdie proses nié van toepassing is op studente wat in 2024 by die US geregistreer was nie.

Sodra jy die finale aanbod aanvaar het en sodra jy jou aanmeldbesonderhede (’n aparte e-pos) ontvang het, sal jy kan registreer wanneer die registrasietydperk amptelik begin.

Let asseblief daarop dat finale toelatings en daaropvolgende kommunikasie vanaf 14 Januarie 2025 verwerk sal word.

Studentekaarte

Nuwe studente

Alle studente moet ná registrasie ? studentekaart bekom. Jy sal jou studentekaart om verskeie redes nodig kry, dus moet jy dit altyd by jou hê wanneer jy op kampus is. Sodra jy geregistreer is, besoek die toepaslike lokaal hieronder. Jy sal vir jou bewys van registrasie en agterstallige betaling van gelde gevra word, waarna jou kaart aan jou uitgereik sal word:

• Neelsie-studentesentrum – vir die uitreiking van kaarte van Maandag 27 Januarie tot Vrydag 21 Februarie 2025. Kaarte sal daagliks tussen 8:00 – 16:00 uitgereik word. Let asb. daarop dat kaarte op Vrydag, 21 Februarie 2025 tot 13:00 uitgereik sal word.
• Admin A, IT-hub – vir die uitreiking van kaarte van Vrydag 21 Februarie 2025 (vanaf 14:00).

Studente op die Tygerberg-kampus moet hul spesifieke kampus se registrasie-inligting raadpleeg vir besonderhede oor die afhaal van hul studentekaarte.

Terugkerende studente (heraktivering van studentekaart)

As jy nog jou 2024-studentekaart het en dit weer in 2025 gaan gebruik, hoef jy dit nie weer te aktiveer nie. Die kaart sal outomaties geheraktiveer word sodra jy vir die 2025- akademiese jaar geregistreer het en enige uitstaande gelde van vorige jare betaal het.

2025-Registrasieskedule Stellenbosch-kampus

Algemene datums

• 13 Januarie 2025: Begin van aanlyn registrasie vir senior voorgraadse (uitgesluit oorplasingstudente) en nagraadse studente
• 23 Januarie 2025: Begin van aanlyn registrasie vir nuweling-eerstejaarstudente
• 27 – 31 Januarie 2025: Registrasie op die kampus vir senior studente (insluitende oorplasingsstudente) op die Stellenbosch-kampus volgens die registrasieskedule hieronder
• 3 – 4 Februarie 2025: Registrasie op kampus van nuweling-eerstejaars (oorplasingstudente uitgesluit) op die Stellenbosch-kampus volgens die registrasieskedule hieronder
• 4 – 6 Februarie 2025: Uitgebreide ondersteunde registrasie op kampus vir senior studente (insluitende oorplasingstudente) op die Stellenbosch-kampus volgens die registrasieskedule hieronder
• 6 Februarie 2025: Afsluiting van registrasie vir alle studente (M- en D-studente uitgesluit)
• 7 Februarie 2025: Modulewysigings vir die Fakulteit Lettere en Sosiale Wetenskappe, Ekonomiese en Bestuurswetenskappe en Ingenieurswese
• 10 Februarie 2025: Aanvang van akademiese jaar
• 21 Februarie 2025: Finale dag vir module-/programwysigings, asook laat registrasie van voorgraadse en nagraadse studente (M- en D-studente uitgesluit)
• Die Universiteit kan nie 'n plek vir studente waarborg wat nie betyds registreer volgens die registrasieskedule hieronder nie.

Algemene opmerkings

• Raadpleeg asseblief die betrokke Fakulteit se jaarboek om seker te maak dat jy korrek registreer volgens die goedgekeurde programvereistes.
• Belangrike inligting oor jou verantwoordelikheid as student sal saam met jou bewys van registrasie aan jou gestuur word om te verseker dat jou registrasie korrek is. Vergewis jouself asseblief van hierdie inligting.
• Studente word aangemoedig om aanlyn registrasie te gebruik. Studente met aanlyn registrasieprobleme sal gedurende die toegewese tydgleuf in NARGA bygestaan word.
• Oorplasingstudente kan nie aanlyn registreer nie. Registreer asseblief volgens die registrasieskedule hieronder by NARGA.
• Belangrike kennisgewing rakende registrasie en koshuisbesetting: Studente wat van voorneme is om óf aanlyn te registreer (selfregistrasie), óf dit in die vroe? ondersteunde registrasietydperk (27–31 Januarie 2025) te doen, word hiermee in kennis gestel dat US-koshuise nie toeganklik sal wees vir vroe? inwoning nie. Indien jy vroe? registrasie kies, raai ons jou aan om alternatiewe verblyfre?lings te tref. Verwys asseblief na die toepaslike koshuis se inwoningskedule.

Skedule vir ondersteunde registrasie van senior/terugkerende/oorplasingstudente by NARGA op die Stellenbosch-kampus

Skedule vir geassisteerde registrasie van voorgraadse nuweling-eerstejaars (oorplasingstudente uitgesluit) op Stellenbosch-kampus by NARGA

Skedule vir verlengde geassisteerde registrasie van senior/terugkerende/oordragstudente op Stellenbosch-kampus by NARGA