US Raad: Samestelling soos op 01 April 2025

Die doel van die portefeulje Strategie, Globale en Korporatiewe Sake (SGKS) is om die Universiteit Stellenbosch (US) strategies te posisioneer om te floreer as ’n moderne, navorsingsgedrewe universiteit wat toekomsfiks en internasionaal mededingend is en as ’n toonaangewende sentrum vir kennis en onderrig in Afrika dien.

Deur die omgewingsplanne van al die fakulteite, departemente, sentrums en steunafdelings deur die hele US te belyn, hou SGKS? die aandag gefokus op die Universiteit se missie om die voorste navorsingsintensiewe universiteit o?p die Afrikavasteland te wees met impak op gemeenskappe wêreldwyd. 

Strategie

In die lig van die tallose uitdagings waarvoor die US as ’n voorste instansie in ho?ronderwys in Suid-Afrika en op die vasteland te staan kom, is dit noodsaaklik dat die instelling sy toekomspad op grond van ’n duidelike strategie bepaal. Sodoende kan die Universiteit sy belangrike bydrae tot menslikehulpbronontwikkeling in Afrika handhaaf en sorg dat hy sistemies volhoubaar bly te midde van die immer groeiende en veranderende kennisekonomie – ’n ekonomie wat berus op tegnologiese vernuwing, digitalisering en ’n vermenging en samevoeging van dissiplines, wat op sy beurt be?nvloed hoe nuwe kennis geskep, oorgedra en toegepas word.

Internasionalisering

Internasionalisering en globalisering is aktuele gesprekspunte in die internasionale onderwysarena. Namate die ho?r onderwys toenemend internasionaliseer, word samewerking oor lands- en institusionele grense heen al hoe belangriker om instellings se kernbedrywighede – leer en onderrig, navorsing en innovasie, en sosiale impak – te ondersteun.

Daarom is internasionalisering ’n belangrike prioriteit in die toegespitste strewe om die US se profiel en reputasie wêreldwyd te versterk. Internasionalisering is ook die kern waarom die instelling se inisiatiewe en programme draai vir die uitbou van navorsingsvermo?. Daardeur wil die US die groot uitdagings van ons tyd die hoof bied en op alle vlakke tot graduandi se vaardighede bydra om hulle aanstelbaarheid en mededingendheid in die internasionale mark te verbeter.

Die S&I-portefeulje bestaan uit vier afdelings, elk met sy eie onderafdelings: Inligtingsoorsigbestuur, Universiteit Stellenbosch Internasionaal, Strategiese Inisiatiewe, en Korporatiewe Kommunikasie.

?  

Inligtingsoorsigbestuur (IOB)

IOB ondersteun die ontwikkeling van institusionele strategie en beleid. Deur uitgebreide dataontleding, toegespitste bedryfsintelligensie en innoverende wetenskaplike modellering ondersteun die sentrums van IOB strategiese besluitneming deur scenariobeplanning en vooruitskattings in verband met kernaspekte van die instelling se sistemiese volhoubaarheid in die strewe om sy visie te realiseer.

 

Universiteit Stellenbosch Internasionaal (SUI)

SUI ondersteun die instelling se internasionaliseringsbedrywighede in die res van Afrika en oorsee. Die klem val veral op die skep en versterking van bilaterale en multilaterale vennootskappe en samewerkingsnetwerke ter ondersteuning van die US se verbintenis tot Afrika en die ontwikkeling van akademieskap met ’n wêreldwye impak.

 

Institusionele Strategie, Navorsing en Analitika

ISNA speel ’n belangrike rol in die bevordering van institusionele strategie en die handhawing van inligtingsintegriteit by die Universiteit Stellenbosch. Ons doen dit deur die bestuur en ondersteuning van die institusionele strategieproses; die bestuur van strategiese en institusionele projekte en verwante prosesse; die toesighouding, ontsluiting, integrering en beskerming van institusionele inligting; en die bevordering van ingeligte besluitneming om die US se visie te dien. ??

 

Korporatiewe Kommunikasie en die Sentrum vir Studentewerwing en Loopbaanadvies

Korporatiewe Kommunikasie en die Sentrum vir Studentewerwing en Loopbaanadvies ondersteun die Universiteit as ’n waardevolle strategiese vennoot deur die US-handelsmerk gunstig te posisioneer, ge?ntegreerde kommunikasieprosesse en -programme te voorsien, en digitale kommunikasieplatforms optimaal te benut om die verwesenliking van die instelling se visie te fasiliteer en te bespoedig.